كەشە عانا ەلىمىزدە بايلانىس جانە اقپارات قىزمەتكەرلەرى كۇنى اتالىپ ءوتتى. قوعامداعى وزەكتى ماسەلەنى دەر كەزىندە كوتەرىپ, جاقسىلىققا جانى قۋانىپ جۇرەتىن بىرقاتار ارىپتەستەرىمىز ءتۇرلى مەملەكەتتىك ماراپاتقا يە بولدى. سولاردىڭ قاتارىندا ۇزاق جىلدار مەرزىمدى باسپاسوزدە جەمىستى ەڭبەك ەتىپ كەلە جاتقان بەلگىلى جۋرناليست, Egemen Qazaqstan گازەتى باس رەداكتورىنىڭ ورىنباسارى تالعات باتىرحان اعامىز دا بار. تالانتتى قالام يەسىنە اقپارات جانە قوعامدىق دامۋ ءمينيسترى اسقار وماروۆ «قۇرمەت» وردەنىن تابىس ەتتى.
تالعات باتىرحاننىڭ ومىرىندەگى ءبىر بەلەس – «استانا اقشامى» گازەتىندە ىستەگەن جىلدارى دەپ ايتۋعا بولادى. ول كىسىنىڭ ءوزى دە وسىندا وتكىزگەن جىلدارىن اۋزىنان تاستاماي ايتىپ جۇرەدى. وسى باسىلىمدا 13 جىلعا جۋىق ەڭبەك ەتىپ, ءوز مەكتەبىن قالىپتاستىردى. تالاي جاس جۋرناليسكە ۇلگىلى ۇستاز بولدى.
تالعات باتىرحاننىڭ وسىدان ءبىراز جىل بۇرىن «كوڭىل كوكجيەگى» دەگەن پۋبليتسيستيكالىق كىتابى جارىق كوردى.
