«ۆەچەرنيايا استانا» قوعامدىق-ساياسي گازەتىنىڭ شىعارماشىلىق ۇجىمى باق قىزمەتكەرلەرى كۇنىنە وراي مەملەكەت باسشىسى قاسىم-جومارت توقاەۆتىڭ العىسىن الدى.
«قر پرەزيدەنتىنىڭ العىسى «Adyrna» ۇلتتىق پورتالىنىڭ, «Ashyq alan» قوعامدىق-ساياسي توك-شوۋىنىڭ, «Astana» راديوسىنىڭ, «ۆەچەرنيايا استانا» قوعامدىق-ساياسي گازەتىنىڭ شىعارماشىلىق ۇجىمدارىنا تابىستالدى» دەپ جازىلعان اقوردانىڭ رەسمي سايتىندا.
مەملەكەت باسشىسىنىڭ ەلوردالىق باسىلىمعا قۇرمەت كورسەتىپ, نازار اۋدارۋىنىڭ ءوزى – ۇلكەن مارتەبە. Elorda Aqparat جشس
قۇرامىنا كىرەتىن بۇل گازەت اقپاراتتىق الاڭداعى ۇلكەن باسەكەدە وق بويى وزىپ شىقتى.
ماسەلەن, 2022 جىلدىڭ مامىر ايىنداعى مالىمەت بويىنشا, ەلىمىزدە 5173 باق تىركەلگەن بولسا, سونىڭ ىشىندە 3672-ءسى – مەرزىمدى باسپا باسىلىمدار, سونىڭ 2179-ى – گازەتتەر. ياعني, 2 مىڭنان اساتىن گازەتتەردىڭ اراسىنان ۇزدىك بولۋ – تازا ەڭبەك پەن شىنايى ءپاتريوتيزمنىڭ ۇلگىسى!
مىنە, 30 جىلدان استام ۋاقىت بويى وقىرماندارىن قۋانتىپ, اقپارات بەرۋمەن قاتار ەلوردانىڭ جىلناماسىن جازىپ كەلە جاتقان باسىلىمنىڭ بەدەلى زور. بۇل بەدەل مەن ابىرويعا جەتۋ ءۇشىن ارىپتەستەرىمىز 30 جىلدان اسا ۋاقىت تەر توگىپ كەلدى. قازىر «ۆەچەرنيايا استانا» گازەتىن اشىپ وقىساڭىز, تاۋەلسىز قازاقستاننىڭ بارلىق وقيعالارىن, كەشەگى ازاتتىق العان كۇننەن باستاپ بۇگىنگى «جاڭا قازاقستاندى» قۇرۋعا جاسالعان قادامداردى كورەسىز. ولاي بولسا, بارلىق ارىپتەستەرىمىزدى وسىناۋ مارتەبەلى ماراپاتىمەن شىن جۇرەكتەن قۇتتىقتايمىز!
سونىمەن قاتار, مەرەكە قارساڭىندا «Elorda Aqparat» جشس-نا قاراستى «استانا اقشامى», «ۆەچەرنيايا استانا» گازەتى ۇجىمدارىنىڭ قىزمەتكەرلەرى دە جەكە ماراپاتتار الدى. «استانا اقشامى» قوعامدىق-ساياسي گازەتىنىڭ باس رەداكتورى ەركىن قىدىر قر پرەزيدەنتى قاسىم-جومارت
توقاەۆتان العىس حات الدى جانە
«قازاقستاننىڭ قۇرمەتتى ءجۋرناليسى» بەلگىسىمەن ماراپاتتالدى. «استانا اقشامى» گازەتىنىڭ شولۋشىسى ايگۇل ۋايس پەن «ۆەچەرنيايا استانا» گازەتىنىڭ شولۋشىسى ايگۇل الجاقسيناعا قازاقستان رەسپۋبليكاسى قارجى مينيسترلىگىنىڭ العىس حاتى جانە اتالعان مينيسترلىكتىڭ 100 جىلدىعىنا وراي ەستەلىك توسبەلگىسى بەرىلدى.
