ەلوردامىزدا 13 مامىردان باستاپ 1 قازانعا دەيىن «قازاقستان» سك جانە «الاي» بازارى اۆتوتۇراق الاڭدارىندا وڭىرلىك اۋىلشارۋاشىلىق جارمەڭكەلەرى وتەدى. بۇعان دەيىن ءار ءوڭىردىڭ استاناداعى اۋىلشارۋاشىلىق جارمەڭكەسى كۇز مەزگىلىنەن باستالاتىن.
الايدا بۇل جارمەڭكە «ەكسپو-2017» حالىقارالىق مامانداندىرىلعان كورمەسىنە وراي ۇيىمداستىرىلىپ وتىر. ويتكەنى حالىقارالىق كورمە كەزىندە تۇرعىندار ازىق-تۇلىك تاۋارلارىمەن قامتاماسىز ەتىلۋى كەرەك. وسى سەبەپتى جارمەڭكەلەردى وتكىزۋ ورىندارى رەتىندە «قازاقستان» سك جانە «الاي» بازارىنىڭ اۆتوتۇراق الاڭدارى تاڭدالىپ وتىر. وندا جىلقى ەتى, سيىر ەتى, قۇس ەتى, ءسۇت ونىمدەرى, جارما تۇرلەرى, قانت, بال, بالىق جانە تاعى دا باسقا 30 مىڭ توننادان استام ءونىم ۇسىنىلادى. سونداي-اق, شارانىڭ مۋزىكالىق سۇيەمەلدەۋىن وبلىستاردىڭ شىعارماشىلىق ۇجىمدارى قامتاماسىز ەتەدى. ويتكەنى جارمەڭكە ەكى كۇن قاتارىنان وتكىزىلەدى دەپ جوسپارلانىپ وتىر.
الداعى 13-14 مامىر كۇندەرى ءداستۇرلى وڭىرلىك جارمەڭكەلەر ماۋسىمىن اتىراۋ, باتىس قازاقستان جانە وڭتۇستىك قازاقستان وبلىستارى اشادى. ءۇش جارمەڭكەگە وبلىستاردىڭ بارلىق اۋداندارىنىڭ 190 وڭدەۋ كاسىپورنى مەن اۋىلشارۋاشىلىق قۇرىلىمدارى قاتىسادى. جارمەڭكەدە جالپى كولەمى 300 توننا بولاتىن اۋىلشارۋاشىلىق ونىمدەرى نارىق باعاسىنان 15-20 پايىزعا ارزانعا ساتىلادى.
