كۇننەن-كۇنگە بوي تۇزەپ دامىعان ەلوردانىڭ ادەمى عيماراتتارى الىستان كوز تارتىپ تۇرادى. وسىنداي اسەم قالانىڭ قۇرىلىسىنا ءوز پايداسىن تيگىزىپ جۇرگەن استانا قۇرداستارىنىڭ ءبىرى – ەلناز ەلتىن. پاۆلودار قالاسىنان ارمان قۋىپ كەلگەن ەلناز قازىر BI Group كومپانياسىندا ينجەنەر-تەحنولوگ بولىپ قىزمەت ەتەدى. ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ قۇرىلىس ماماندىعىن تامامداعان.
– جاس قالامىزدا جاڭا عيمارات كوپ سالىناتىندىقتان, وسى سالانى تاڭدادىم. مۇنداعى كوپ عيماراتتاردىڭ ەرەكشەلىگى قاتتى ۇنايدى. استانانىڭ وزىنە ءتان ەرەكشە اتموسفەراسى بار. مۇندا ءبارى جاڭا ءارى تازا, سونداي-اق بارلىق جاعداي جاسالعان. وسى اتموسفەرا ءۇشىن باسقا قالاعا كوشكىم كەلمەيدى ءارى كۇننەن-كۇنگە قۇلپىرىپ كەلە جاتقان قالامىزعا ۇيرەنىپ قالدىم. بوس ۋاقىتىمدا بوتانيكالىق ساياباقتا كوپ سەرۋەندەيمىن. بۇدان بولەك, قالاداعى وتەتىن مادەني شارالارعا بارىپ تۇرامىن. بۇرىن اجەم ەكەۋمىز تالدىكولدەگى اققۋلار مەن قوقيقازدارعا سىرتتان قاراعاندى ۇناتاتىنبىز. وكىنىشكە قاراي, قازىر ونداي مۇمكىندىك جوق. قالا اكىمدىگى وسىنداي ەكولوگيالىق ماسەلەگە نازار اۋدارسا دەپ ويلايمىن. مينيسترلەر ءۇيىنىڭ جانىنداعى كوپىر مەن امفيتەاتر الاڭىنا وڭاشادا سەرۋەندەپ قايتامىن. اسىرەسە كەشكى ۋاقىتتا شامدارى جارقىراپ, باسقا الەمدە جۇرگەندەي بولاسىڭ. ەلوردا – ءبىلىمدى, وزىنە سەنىمدى جاستاردىڭ ارمانىن جۇزەگە اسىراتىن, قابىلەتىڭدى دامىتۋعا زور مۇمكىندىك بەرەتىن قالا. بولاشاقتا ءوز سالام بويىنشا قالامىزدا ادەمى عيماراتتار بوي تۇزەسە قۋانار ەدىم. تۋعان كۇنىڭ قۇتتى بولسىن, مەنىڭ قالام!
