7 مامىر – وتان قورعاۋشىلار كۇنى. بۇل – تاۋەلسىز قازاقستاننىڭ قارۋلى كۇشتەرى قۇرىلعان كۇنىنە وراي بەلگىلەنگەن ەلەۋلى مەرەكە. تاريحقا كوز جۇگىرتسەك, سوناۋ 1918 جىلدىڭ 8 ساۋىرىندە كەڭەس وداعىندا العاش رەت اسكەري كوميسسارياتتار قۇرىلعان بولاتىن. العاشىندا اسكەري كوميسساريات اتالىپ كەلگەن قۇرىلىمدار بۇگىندە ىرگەلى جەرگىلىكتى اسكەري باسقارۋ ورگاندارى – قورعانىس ىستەرى جونىندەگى دەپارتامەنت اتالىپ كەلەدى.
جەرگىلىكتى اسكەري باسقارۋ ورگاندارى جۇمىلدىرۋ دايارلىعى, اۋماقتىق قورعانىستى ۇيىمداستىرۋ, اسكەري ەسەپتى جانە زاپاستاعى اسكەري مىندەتتىلەردى برونداۋ, اسكەرگە شاقىرىلۋشىلاردى ەسەپكە الۋدى, ازاماتتاردى تىركەۋ ۋچاسكەلەرىنە ەسەپكە الۋ, كەلىسىمشارت بويىنشا اسكەري قىزمەتشىلەردى اسكەرگە ىرىكتەۋ جانە جيناقتاۋ, ازاماتتاردى مەرزىمدى اسكەري قىزمەتكە شاقىرۋ, جوعارى اسكەري وقۋ ورىندارىنا ۇمىتكەرلەردى ىرىكتەۋ, اسكەري-تەحنيكالىق ماماندار دايارلاۋ جۇمىستارىمەن جانە وڭىردەگى ۇلى وتان سوعىسى, قارۋلى كۇشتەرى ارداگەرلەرىن, جاۋىنگەر-ينتەرناتسيوناليستەردى ەسەپكە الۋمەن اينالىسادى. اتاپ ايتقاندا, ءار ازاماتتىڭ بولاشاقتا اسكەري ومىرگە قادام باسۋى وسى جەرگىلىكتى اسكەري باسقارۋ ورگاندارى تابالدىرىقتارىنان باستالادى.
ونىمەن قوسا جەرگىلىكتى اسكەري باسقارۋ ورگاندارى جاستار مەن ارميا اراسىنداعى ءوزارا بايلانىستى نىعايتۋ, قازاقستان رەسپۋبليكاسى قارۋلى كۇشتەرىنىڭ وڭ بەدەلىن ارتتىرۋ, اسكەري قىزمەتتى ناسيحاتتاۋ جانە جاستاردىڭ اراسىندا اسكەري-پاتريوتتىق تۋعان جەرىنە, تۋعان حالقىنا دەگەن ءسۇيىسپەنشىلىك سەزىمىن, مەملەكەتتىڭ گۇلدەنۋى ءۇشىن جۇمىس ىستەۋ نيەتىن, ونى قورعاۋعا دايىن بولۋدى قالىپتاستىرۋ ماقساتىندا, ۇلى وتان سوعىسى, قارۋلى كۇشتەرى ارداگەرلەرىمەن, جاۋىنگەر-ينتەرناتسيوناليستەرمەن تىعىز بايلانىس جاساي وتىرىپ, بولاشاقتا اسكەرگە شاقىرىلۋشى جانە اسكەرگە شاقىرىلاتىن جاستاردى تاربيەلەۋ بويىنشا اۋقىمدى اسكەري-پاتريوتتىق جۇمىستار اتقارادى. تۇيىندەپ ايتقاندا, ەل اسكەرى جەرگىلىكتى اسكەري باسقارۋ ورگاندارىنان باستالادى.
وتان قورعاۋشىلار مەن جەڭىس كۇنى قارساڭىندا جەرگىلىكتى اسكەري باسقارۋ ورگاندارىنىڭ جەكە قۇرامى ۇلكەن جۇمىستار اتقارۋدا. ۇلى وتان سوعىسى جانە قر قك ارداگەرلەرىنە قۇرمەت كورسەتىلىپ, جاس ۇرپاققا ەرلىك ساباقتارى, اسكەري-پاتريوتتىق شارالار وتكىزىلىپ, ەسكەرتكىشتەرگە گۇل شوقتارى قويىلىپ جاتىر.
مەرەكە قارساڭىندا وتان قورعاۋ شەبىندە جۇرگەن بارلىق ازاماتتاردى جەرگىلىكتى اسكەري باسقارۋ ورگاندارىنىڭ جەكە قۇرامى اتىنان ءتول مەرەكەسىمەن قۇتتىقتايمىز! قىزمەتتەرىڭىز جەمىستى, ەلىمىز امان, جۇرتىمىز تىنىش بولسىن!
نۇرجان يساكوۆ,
نۇر-سۇلتان قالاسى
قورعانىس ىستەرى جونىندەگى
دەپارتامەنتىنىڭ باستىعى,
گەنەرال-مايور
