ناۋرىزدىڭ 21 كۇنى بەيبىتشىلىك جانە كەلىسىم سارايىندا قازاقستان حالقى اسسامبلەياسى ۇسىنعان قر پارلامەنتى ءماجىلىسى دەپۋتاتتىعىنا ۇمىتكەرلەردى سايلاۋ بولىپ ءوتتى. سول كۇنى تاڭعى ساعات 7.00-دە استانا قالاسىنىڭ قالالىق سايلاۋ كوميسسياسى بەيبىتشىلىك جانە كەلىسىم سارايىندا پارلامەنت ءماجىلىسىنىڭ دەپۋتاتتارىن سايلاۋ پۋنكىتىن ارنايى اشتى. سودان سوڭ كۇن تارتىبىنە وراي, قازاقستان xالقى اسسامبلەياسىنىڭ كەزەكتەن تىس XXIII سەسسياسى ءوز جۇمىسىن باستادى.
سەسسيانى اسسامبلەيا توراعاسىنىڭ ورىنباسارى ەرالى توعجانوۆ اشىپ, قاتىسۋشىلاردى ناۋرىز مەرەكەسىمەن قۇتتىقتاپ, بۇگىنگى ساياسي وقيعانىڭ ماڭىزىنا توقتالدى. ودان سوڭ ءسوز كەزەگىن مەلەكەتتىك حاتشى گۇلشارا ابدىقالىقوۆاعا بەرىلدى.
–قازاقستان حالقى اسسامبلەياسى قۇرىلعان ۋاقىتتان بەرى قوعامدىق تۇراقتىلىقتى قالىپتاستىرۋدا ۇلكەن ەڭبەك ءسىڭىرىپ كەلەدى. ەلىمىزدەگى بەيبىتشىلىك پەن كەلىسىمنىڭ كەپىلىنە اينالدى. سول سەبەپتەن, مۇنداي سالماعى ۇلكەن ساياسي ينستيتۋتتىڭ ۇمىتكەرلەرىن قر پارلامەنتى ءماجىلىسى دەپۋتاتتىعىنا سايلاۋ دا – ەل ءۇشىن ماڭىزدى وقيعا. وسى ايتۋلى ساياسي وقيعا بيىل جىل باسى ناۋرىز مەرەكەسىمەن تۇسپا تۇس كەلىپ وتىر. سول سەبەپتەن ءبارىڭىزدى ناۋرىز مەرەكەسىمەن شىن جۇرەكتەن قۇتتىقتايمىن! – دەدى ول.
سەسسيادا استانا قالالىق سايلاۋ كوميسسياسىنىڭ توراعاسى يگىلىك جالبىروۆ سايلاۋدىڭ ءتارتىبى مەن زاڭدىلىقتارىن تاعى ءبىر تياناقتاپ تۇسىندىرگەننەن كەيىن سايلاۋ باستالدى. سەسسيا جۇمىسىنا ەلدىڭ بارلىق وڭىرلەرىنەن, رەسپۋبليكالىق جانە وڭىرلىك ەتنومادەني بىرلەستىكتەر وكىلدەرىنەن قۇرالعان اسسامبلەيا مۇشەلەرى مەن قوعام قايراتكەرلەرى, عىلىمي جانە شىعارماشىلىق زيالى قاۋىمنان تۇراتىن دەلەگاتسيالار جانە حالىقارالىق بايقاۋشىلار مەن شەتەلدىك باق وكىلدەرى دە قاتىستى.
داۋىس بەرۋگە ەلباسى نۇرسۇلتان نازارباەۆ تا كەلدى. ەلباسى داۋىس بەرگەننەن كەيىن قازاقستان حالقى اسسامبلەياسى كەڭەسىنىڭ مۇشەلەرىمەن كەزدەسىپ, ەمەن-جارقىن اڭگىمەلەستى. سايلاۋدىڭ قورىتىندىسى بۇگىن ساعات 13.30-دا رەسمي تۇردە جاريالانادى.
بۇگىن سايلاۋعا تۇسكەن كانديداتتار:
ساۋىتبەك ءابدىراحمانوۆ – «ەگەمەن قازاقستان» رەسپۋبليكالىق گازەتi» اق پرەزيدەنتi, قحا مۇشەسى.
ۆلاديمير بوجكو – قر Iشكi iستەر مينيسترiنiڭ ورىنباسارى, قحا مۇشەسى.
ناتاليا جۇمادىلداەۆا – قىزىلوردا وبلىسى قحا انالار كەڭەسiنiڭ ءتورايىمى, قحا مۇشەسى.
رومان كيم – قر پارلامەنتى ءماجىلىسىنىڭ V شاقىرىلىمىنىڭ دەپۋتاتى, قحا مۇشەسى.
نارينە ميكاەليان – ارميان ەتنومادەني بiرلەستiگiنiڭ توراعاسى, قحا مۇشەسى.
احمەد مۋرادوۆ – قر پارلامەنتى ءماجىلىسىنىڭ V شاقىرىلىمىنىڭ دەپۋتاتى, قحا كەڭەسىنىڭ مۇشەسى.
شايماردان نۋرۋموۆ – رەسپۋبليكالىق ۇيعىر ەتنومادەني ورتالىعىنىڭ توراعاسى, قحا كەڭەسىنىڭ مۇشەسى.
يۋري تيموششەنكو – قر پارلامەنتى ءماجىلىسىنىڭ V شاقىرىلىمىنىڭ دەپۋتاتى, قحا مۇشەسى.
شاكير حاحازوۆ – دۇنگەن ەتنومادەني ورتالىقتارى قاۋىمداستىعىنىڭ باسقارما مۇشەسi, قحا كەڭەسىنىڭ مۇشەسى.
پارلامەنت ءماجىلىسى 107 دەپۋتاتتان تۇرادى, ولاردىڭ 98-ءى پارتيالىق تىزىمنەن, ال قالعان توعىزىن قحا ۇسىندى.
فوتو: tengrinews.kz
مەڭدوللا نۇرىمۇلى
astana-akshamy.kz
