بۇرناعى كۇنى شاھارىمىزدا قالا əكىمدىگىنىڭ قولداۋىمەن «استانا ارۋى-2016» سəن بايقاۋى ءوتتى. وعان ءبىلىمى مەن بىلىگى, اقىلى مەن كوركى بويىندا تۇنعان ارۋلار بايقاۋىنا ەلىمىزدىڭ جوعارى وقۋ ورنىندا ءبىلىم الىپ جاتقان 20 ارۋ قاتىستى. ال اتالمىش ءىس-شارانىڭ ۇيىمداستىرۋشىسى بولۋعا «Prima Vera» مودەلدىك اگەنتتىگى ىقىلاس تانىتتى.
بايقاۋدى ۇيىمداستىرعانداعى ماقسات تا سول, قىز بالالار اراسىندا وتباسىلىق قۇندىلىقتاردى دارىپتەۋ جانە ولاردىڭ قوعام ومىرىنە بەلسەنە ارالاسۋىنا ايرىقشا ءمان بەرۋ. ارينە, سالاۋاتتى ۇرپاقتىڭ دۇنيەگە كەلۋى الدىمەن قىز بالاعا بايلانىستى. سوندىقتان ەلىمىزدە وسىنداي سۇلۋلىق بايقاۋلارىنىڭ كوپتەپ ۇيىمداستىرىلىپ جاتقانى – كوڭىلگە دەمەۋ. سەبەبى بۇگىنگى قىز بالا – ەرتەڭگى ەل اناسى, ءبىر-ءبىر اۋلەتتىڭ ۇيىتقىسى.
بايقاۋ ەرەجەسى بويىنشا قىزدار 4 كەزەڭنەن دە سۇرىنبەي ءوتىپ, بار ونەرلەرىن ورتاعا سالۋدان ايانىپ قالماۋى شارت. ءبىرىنشى كەزەڭ «ۆيزيتتىك كارتا» دەگەن اتاۋمەن باستالىپ كەتتى. بۇل بولىمدە بارلىق ۇمىتكەردىڭ سايىسقا قاتىسۋداعى ماقساتى, ومىرلىك ۇستانىمى, ونەرى كورەرمەنگە كەڭىنەن تانىستىرىلدى.
ال «مەنىڭ قازاقستانىم» اتتى ەكىنشى كەزەڭدە قاتىسۋشىلار ۇلتتىق كيىمدەردەن دەفيلە كورسەتتى. ءتۇرلى-ءتۇستى جاۋھار تاستارمەن كومكەرىلگەن ۇلتتىق كيىمدەر راسىمەن دە كوزدىڭ جاۋىن الىپ, كەرەمەت ۇيلەسىم تاپقانداي. اسىرەسە, جوعارى جاقتان ساحناعا تۇسكەن شامنىڭ جارىعىنان ساحنا ءتورى سۇلۋلىعى مەن سىمباتى جاراسقان ارۋلارمەن ودان ءارى جارقىراي ءتۇستى. بۇل ءبولىم اياقتالىسىمەن LED ەكران ارقىلى «استانا ارۋى-2016» سايىسىنىڭ ارنايى ۆيدەوكۇندەلىگى كورسەتىلدى. ىرىكتەۋ كەزەڭىنەن فينالعا دەيىنگى تالاي ساتىلاردى باعىندىرعان ارۋلاردىڭ بايقاۋ بارىسىنداعى ءومىرى, پىكىرلەرى مەن سايىس اياسىندا اتقارعان ءىس-شارالار ۆيدەوسيۋجەتتەن كورىنىس تاپتى. ال «شەرشە ليا فام» اتتى ءۇشىنشى كەزەڭدە بارلىق ارۋلاردىڭ قاتىسۋىمەن ساحنالىق قويىلىم كورسەتىلگەن بولسا, سوڭعى كەزەڭ «سۇلۋلىق. كەربەزدىك. اسەمدىك» دەگەن اتاۋمەن ءوتتى.
سونداي-اق, ءالي وقاپوۆ, كارينا كارەنينا سياقتى ەسترادا جۇلدىزدارى ءان شىرقاپ, دۋماندى كەشتىڭ كورىگىن قىزدىرا تۇسسە, سايىس ورتاسىندا قىزىلدى-جاسىلدى تۇسكە بويالعان روبوت كەيپىندەگى لازەرلىك شوۋ قالىڭ كورەرمەندى ءتانتى ەتتى.
– سۇلۋلىق بايگەسىنە 17-23 جاس ارالىعىنداعى ارۋلار قاتىسىپ جاتىر. ءبəرى دە ماراپاتقا لايىق دەپ ايتقىم كەلەدى. ىرىكتەۋ كەزەڭى 8 قازان كۇنى باستالعان بولاتىن. ۋاقىتتىڭ تىعىزدىعىنا قاراماستان, ولار بار ونەرلەرىن ورتاعا سالىپ, مۇمكىنشىلىگى مەن قابىلەتتەرىن كورسەتە ءبىلدى. ءبىر ايتا كەتەرلىگى, جىل سايىن سايىسقا قاتىسۋشىلار قاتارى كوبەيمەسە, ازايماق ەمەس. بۇل – قۋانتارلىق جاعداي. مۇنداي بايقاۋعا قاتىسقان قىزدار ءوز قاتارلاستارىنان ءبىرتابان الدا بولىپ, ومىرگە ازىق بولار تəجىريبە جيناي تۇسەدى, رۋحاني تۇرعىدان دا ءوسۋ بايقالادى.
ال بايقاۋ قورىتىندىسى جونىندە ايتار بولساق, بۇگىنگى كەشتە توپ جارىپ, سۋىرىلىپ العا شىققان 3 ارۋىمىز «قازاقستان ارۋى» ۇلتتىق بايقاۋىنا جولداما الىپ, ءəرى قاراي ونەر كورسەتپەك, – دەدى كونكۋرس ديرەكتورى ولگا رادەش.
ەل تاۋەلسىزدىگىنىڭ 25 جىلدىعىمەن تۇسپا-تۇس كەلگەن بيىلعى «استانا ارۋى-2016» سۇلۋلار سايىسىن قورىتىندىلاي كەلە, اتالمىش بايقاۋدا بىرقاتار ارۋ قىزدارىمىز جەڭىس تۇعىرىنان كورىندى.
وسىلايشا, 3-ۆيتسە-ارۋ اتالىمىندا ءبيبىنۇر ەسىموۆا جەڭىسكە جەتسە, 2-ۆيتسە-ارۋ ەكاتەرينا پودگورودەتسكايا اتاندى. ال 1-ۆيتسە-ارۋ نوميناتسياسىندا تۇعىردان كورىنۋ بەگايىم جولابەكوۆاعا بۇيىردى. بيىلعى جىلى «استانا ارۋى-2016» بايقاۋىندا باس جۇلدەگەر 18 جاسار استانالىق ەلناز نۇرسەيىتوۆا اتاندى. جەڭىمپازدى باس جۇلدە – 1 000 000 تەڭگە كولەمىندەگى سەرتيفيكاتپەن قر پارلامەنتى ءماجىلىسىنىڭ دەپۋتاتى زاعيپا باليەۆا ماراپاتتاي وتىرىپ, بارلىق قاتىسۋشىلارعا العىس ايتىپ, تابىس تىلەدى.
الەمدىك اقىن-جازۋشىلار شىعارمالارىنىڭ وزەگىنە اينالعان ماحاببات تاقىرىبى – ادامزات اتاۋلىنىڭ جىرلاپ وتەر قۇدىرەتى. ال ماحابباتقا ارقاۋ بولار – سۇلۋلىق. ەندەشە, الەمدى قۇتقاراتىن بۇل, ارينە, سۇلۋلىق دەگەن تەڭەۋگە كەلىسپەسكە بولمايتىن سىڭايلى؟! تالايدى تامساندىرعان بۇل بايقاۋ باس قالادا وسىلايشا ءوز مəرەسىنە جەتتى.
ءƏمىر دوسقوجا
