استانا دارىندارى انىقتالدى
تۇڭعىش پرەزيدەنت كۇنىندە بەيبىتشىلىك جانە كەلىسىم سارايىندا «استانا دارىنى – 2017» بايقاۋىنىڭ جەڭىمپازدارىن ماراپاتتاۋ سالتاناتى ءوتتى. قالالىق جاستار ساياساتى ماسەلەلەرى باسقارماسى ۇيىمداستىرعان دوداعا 14-29 جاس ارالىعىنداعى 200-دەن اسا ۇمىتكەردەن وتىنىشتەر كەلىپ تۇسكەن. ناتيجەسىندە, قاتىسۋشىلاردىڭ اراسىنان 15 اتالىم بويىنشا ۇزدىكتەر انىقتالدى.
جۇزدەن جۇيرىك شىعىپ, كوپتىڭ ىشىنەن سۋىرىلىپ شىققان جاستاردى استانا قالاسى اكىمىنىڭ ورىنباسارى ەرمەك امانشاەۆ پەن قر پارلامەنتى ءماجىلىسىنىڭ دەپۋتاتتارى باقىتبەك سماعۇل, بەلگىلى سپورتشى سەرىك ساپيەۆ ماراپاتتادى.
بايقاۋدا عىلىم, ۇكىمەتتىك ەمەس ۇيىم, تەاتر, قوعامدىق قىزمەت, سپورت, جۋرناليستيكا, جاس كاسىپكەر, جىل ەرىكتىسى, الەۋمەتتىك سالانىڭ ۇزدىك قىزمەتكەرى, ەسترادا, جىل ستۋدەنتى, كينو, ۇزدىك مەملەكەتتىك قىزمەتكەر سىندى اتالىمدار بويىنشا مىقتىلار انىقتالدى. ولاردىڭ قاتارىندا قازاقتىڭ اتىن تورتكۇل دۇنيەگە تانىتىپ جۇرگەن ەرەكشە
دارىن يەسى ديماش قۇدايبەرگەن, سوڭعى ۋاقىتتا كوپشىلىكتىڭ كوزايىمىنا اينالعان «ارمان» كينوسىنىڭ باستى كەيىپكەرى جۇلدىز ابدىكەرىموۆا دا بار.
– استانا دارىندارىن انىقتاۋ –
جاس تا بولسا باس قالانىڭ ابىرويىن اسقاقتاتىپ جۇرگەن ءار سالانىڭ وكىلدەرىن ىنتالاندىرۋ, جۇمىلا جۇمىس جاساي بەرۋگە شاقىرۋ دەپ تۇسىنەمىن. قالا اكىمىنىڭ ماراپاتىنا يە بولۋ – مەن ءۇشىن ۇلكەن ۇدەدەن شىعۋعا ۇمتىلا ءتۇسۋ, ەرىنبەي ەڭبەك ەتۋگە كۇش سالۋ. بۇگىنگى جەڭىسىم ءۇشىن قۋانىشتىمىن, – دەيدى «جۋرناليستيكا» اتالىمى بويىنشا ۇزدىك دەپ تانىلعان ارىپتەسىمىز
نازەركە جۇماباي.
قاتىسۋشىلاردىڭ قۇرمەتىنە ەسترادا وكىلدەرىنىڭ قاتىسۋىمەن كونتسەرت ءوتتى.
بيىل العاش رەت شىمىلدىعى تۇرىلگەن بايقاۋدى قالا اكىمدىگى ءداستۇرلى تۇردە وتكىزۋدى جوسپارلاپ وتىر.
گۇلجان راحمان