كەشە «اتامەكەن» ۇكپ پرەزيديۋمىنىڭ توراعاسى تيمۋر قۇلىباەۆ پەن استانا قالاسىنىڭ اكىمى اسەت يسەكەشەۆ ەلوردانىڭ بيزنەس قوعامداستىعىمەن كەزدەستى.
جيىن بارىسىندا مەملەكەتتىك-جەكەمەنشىك ارىپتەستىكتى, دەربەس مەديتسينانى, جەكەمەنشىك مەكتەپكە دەيىنگى ۇيىمداردى دامىتۋ, مەملەكەتتىك-جەكەمەنشىك ارىپتەستىك
جوبالاردى قارجىلاندىرۋ, بيزنەسكە ينۆەستيتسيالىق ۇسىنىستار جايلى ايتىلدى.
– كاسىپكەرلىكتى دامىتۋ, بيزنەس قوعامداستىعىنىڭ بارلىق باستامالارىنا قولداۋ كورسەتۋ جاعىنان استانا – كوشباسشىسى قالالاردىڭ ءبىرى. سوندىقتان مەديتسينا, سپورت, مادەنيەت, كوممۋنالدىق شارۋاشىلىق سياقتى قاي سالا بولماسىن, كاسىپكەرلەرگە بيزنەستىڭ جاڭا مۇمكىندىگى ۇسىنىلىپ وتىر. الدىمەن استانادا تاجىريبە جۇزىندە ىسكە اسقان جوبالار ارتىنشا رەسپۋبليكانىڭ بارلىق وڭىرلەرىندە دە قولدانىسقا ەنگىزىلەدى. بۇل تۇرعىدا مەملەكەتتىك-جەكەمەنشىك ارىپتەستىك – ماڭىزدى سالا, – دەپ اتاپ ءوتتى ءوز سوزىندە تيمۋر قۇلىباەۆ.
ءوز كەزەگىندە استانا قالاسىنىڭ اكىمى اسەت يسەكەشەۆ مەملەكەتتىك-جەكەمەنشىك ارىپتەستىك نەگىزىندە قولعا الىناتىن جوبالاردى كەڭەيتۋدى كوزدەيتىنىن جەتكىزدى.
– استانا – قارقىندى دامىپ كەلە جاتقان جاس قالا. مۇندا بيزنەس جۇرگىزۋگە قولايلى جاعداي جاسالعان. بيىل استانا تورىندە «ەكسپو – 2017» حالىقارالىق كورمەسى جوعارى دەڭگەيدە ءوتتى. «اتامەكەن» ۇكپ مەن استانا اكىمدىگى اراسىندا تىعىز بايلانىس ورناعان. جىلدىڭ باسىنان جالپى مەملەكەت بويىنشا شوك سۋبەكتىلەرى 8,6 ترلن تەڭگە كولەمىندە ءونىم شىعاردى, ونىڭ 20 پايىزى استاناعا تيەسىلى. استانا جالپى وڭىرلىك ونىمدە شاعىن جانە ورتا بيزنەس ۇلەسى بويىنشا كوش باستاپ تۇر, بۇل كورسەتكىش 47 پايىزدان 57,4 پايىزعا كوتەرىلدى. سوڭعى ون اي ىشىندە ەلوردادا 11 مىڭ جاڭا كاسىپكەر تىركەلگەن. بۇل كورسەتكىش وتكەن جىلمەن سالىستىرعاندا 16 پايىزعا كوپ. ەڭبەككە جارامدى تۇرعىنداردىڭ 60 پايىزدان استامى شاعىن جانە ورتا كاسىپكەرلىكتە جۇمىس ىستەيدى, – دەگەن اسەت يسەكەشەۆ, – بيىل بەينەباقىلاۋ بويىنشا جاڭا جوبا جۇزەگە اسىرىلدى. اتالعان باستامانىڭ ەكونوميكالىق تيىمدىلىگى زور. الداعى ۋاقىتتا مەملەكەتتىك-جەكەمەنشىك ارىپتەستىك بويىنشا تاعى دا ۇلكەن جوبالارعا كونكۋرس جاريالاناتىن بولادى. بىرىنشىدەن, ول – ينتەللەكتۋالدى جارىق. ول ينتەرنەتپەن بىرگە قوسىلدى. سەبەبى الەم بويىنشا ينتەللەكتۋالدى باعانالاردى عالامتور ءۇشىن كەڭىنەن قولدانۋدا. كونكۋرسقا قاتىسۋعا نيەت بىلدىرۋشىلەردىڭ اراسىندا وتاندىق جانە شەتەلدىك كومپانيالار دا بار, – دەدى.
سونىمەن قاتار اسەت يسەكەشەۆ بيىل قالا اكىمدىگىنىڭ استانادا
العاش رەت «Astana Innavations Challenge» دەپ اتالاتىن اۋقىمدى ستارتاپ-مارافونىن ىسكە اسىرعانىن اتاپ ءوتتى.
– Astana Innavations Challenge – بۇل قالانىڭ تەحنولوگيالىق ماسەلەلەرىن شەشۋدەگى جاس يننوۆاتورلاردى بىرىكتىرەتىن العاشقى كەشەندى جوبا. ول ازاماتتاردى, عىلىم, بيزنەس جانە ستارتاپ-قوعامداستىق وكىلدەرىن تارتۋ ارقىلى مەملەكەت پەن ستارتاپ اراقاتىناسىن دۇرىستاۋعا, قالالىق ماسەلەلەردىڭ شەشىمىنە جاۋاپ ىزدەۋگە باعىتتالعان. مۇنداعى ماقسات – يننوۆاتسيالىق ەكوجۇيەنى دامىتۋداعى قالالىق تەحنولوگيانى ەنگىزۋ عانا ەمەس, سونداي-اق وتاندىق ستارتاپ-مادەنيەتىن قالىپتاستىرۋ. بۇل تۇرعىدا استانانى يننوۆاتسيا قالاسى دەپ اتاۋعا بولادى, – دەيدى ءا.يسەكەشەۆ.
قالا باسشىسىنىڭ ايتۋىنشا, قازىرگى كەزدە مەكتەپتەر مەن ەمxانالاردى باسقارۋ جۇيەسىن وزگەرتىپ, ءبىلىم بەرۋ مەن دەنساۋلىق سالاسىندا دا مەملەكەتتىك-جەكەمەنشىك ارىپتەستىكتى كەڭىنەن تارتۋ ماسەلەسى پىسىقتالىپ جاتقان كورىنەدى.
– كەلەسى جىلى بيزنەسكە تاعى ۇلكەن ەكى سالانى بەرۋدى قاراستىرىپ وتىرمىز. ول – قالانى اباتتاندىرۋ مەن تازالاۋ. اتالعان سالالاردا جۇمىس كوپ. ازىرگە ونى كوممۋنالدىق قىزمەتتەر اتقارۋدا. كەلەسى جىلدا اتالعان كاسىپورىندار جەكە مەنشىككە وتەدى. ەندىگى كەزەكتە تاريف ماسەلەسىن رەتتەۋ قاجەت. سەبەبى قالانىڭ تازالىعى xالىقتىڭ كوڭىلىنەن شىعۋى ءتيىس. نەگىزى 7-10 مىقتى كومپانيا ءوز تەxنيكاسىمەن قالانىڭ تازالىعى مەن كوگالداندىرۋ جۇمىستارىمەن اينالىسقانى دۇرىس دەپ ويلايمىز. مەكتەپتەگى تاماقتاندىرۋ دا سولاي. قوعامدىق كولىك سالاسىندا دا 5-7 جىلعا دەيىن كەلىسىمشارتقا وتىرۋعا دايىنبىز. قازىر بىرنەشە اۆتوپارك بار. بىراق ولار بارلىق جاۋاپكەرشىلىكتى ءوز مويىندارىنا الا المايدى, – دەيدى استانا اكىمى تاعى ءبىر سوزىندە.
سونىمەن قاتار ەلوردا كاسىپكەرلەرى فورۋمىندا بيزنەستىڭ تۇيتكىلدى ماسەلەلەرىن انىقتاپ, ونى جەرگىلىكتى بيلىكپەن بىرلەسىپ شەشۋ جولدارى دا قاراستىرىلدى. جالپى, جيىن بارىسىندا مەملەكەتتىك ورگاندار مەن بيزنەس اراسىنداعى ءىس-قيمىلدىڭ جاڭا مۇمكىندىكتەرىن, ونىڭ ىشىندە استانا قالاسىندا مەملەكەتتىك-
جەكەمەنشىك ارىپتەستىك جوبالارىن جۇزەگە اسىرۋدى تالقىلاۋعا باسىمدىق بەرىلدى.
نۇرداۋلەت كاكىشەۆ
