ەلوردانىڭ كەلبەتى كەلەشەكتە ديزاين-كودقا سايكەس رەتكە كەلتىرىلەدى. بۇل باعىتتا بۇگىندە قالا كوشەلەرىندە استانا كەلبەتىن ديزاين-كودقا سايكەستەندىرۋ بويىنشا يگى ىستەر جۇزەگە اسىرىلىپ جاتىر.
بۇگىندە استانانىڭ قاي كوشەسىمەن جۇرسەڭىز دە, ەلوردانىڭ ديزاين-كودىنا سايكەس كەلمەيتىن جانە زاڭسىز ىلىنگەن جارنامالاردان كوز سۇرىنەدى. اسەم شاھاردىڭ كوركىن بۇزاتىن جانە كوشەلەردە ىلۋگە رۇقسات ەتىلمەگەن, ستاندارتقا قايشى وسىنداي جارنامالاردى الىپ تاستاۋ جۇمىستارى بۇگىندە ەلوردانىڭ بارلىق اۋدانىندا ءجۇرىپ جاتىر.
ماسەلەن, نۇرا اۋدانىندا 6 تۇرعىن ءۇي كەشەنىنەن قالانىڭ كەلبەتىنە ساي ەمەس 60-تان استام ماڭدايشاداعى جازۋ مەن سىرتقى جارناما الىنىپ تاستالدى. سەبەبى ولاردىڭ بارلىعى 2019 جىلى بەكىتىلگەن استانانىڭ ديزاين-كودىنا سايكەس كەلمەيدى.
نۇرا اۋدانى اكىمى ورىنباسارىنىڭ مىندەتىن اتقارۋشى ءاليا ابسەمەتوۆانىڭ ايتۋىنشا, ەلوردالىق ديزاين-كودقا سايكەستەندىرۋ كەزىندە كاسىپكەرلەرگە كۇردەلى تالاپتار قويىلمايدى. تەك, سىرتقى جارناما استانا كەلبەتىن بۇزباسا بولعانى.
– ديزاين-كود بويىنشا كاسىپكەرلەرگە كۇردەلى تالاپتار قويىلىپ وتىرعان جوق. ەڭ باستىسى, سىرتقى جارناما عيماراتتىڭ قاسبەتىنە, ديزاين-كودقا ساي بولۋى كەرەك جانە سىرت كوزگە وعاش كورىنبەگەنى ابزال. قالا ءوسىپ, دامىپ كەلەدى, ال ونىڭ كەلبەتى ءبىرتۇتاس بولۋى ءتيىس, – دەدى ءاليا ابسەمەتوۆا.
اۋدان اكىمدىگى وكىلدەرى ورتالىق كوشەلەر بويىندا ورنالاسقان تاعى 4 تۇرعىن ءۇي كەشەنى كەزەكتە تۇرعانىن جەتكىزدى. وسىلايشا, اۋدانداعى بارلىق بەلگى مەن جارناما بىرتە-بىرتە رەتكە كەلتىرىلەدى.
ال قالالىق ۋربانيستيكا ورتالىعىنىڭ مالىمەتىنشە, قالاداعى جارنامانىڭ شامامەن 80%-ى ەشكىممەن كەلىسىلمەگەنىن العا تارتىپ وتىر.
قازىرگى ۋاقىتتا استانادا بارلىعى 1 500-دەن استام زاڭسىز ورناتىلعان بەلگى مەن جارنامالىق باننەر الىنىپ تاستالدى. الداعى ۋاقىتتا ولاردىڭ بارلىعى ديزاين-كودقا سايكەستەندىرىلەدى.
