بيىل ناۋرىز مەيرامى بەس كۇن بويى تويلانادى. ناۋرىزدىڭ 19-ى مەن 23-ءى ارالىعىندا قالادا 70-كە جۋىق مادەني-بۇقارالىق شارا ۇيىمداستىرىلادى. ەلوردا قازىردەن باستاپ وسىناۋ ۇلىق مەرەكەگە دايىندىق ۇستىندە.
استانا كوشەلەرى ءتۇرلى ءتۇستى شامدارمەن بەزەندىرىلىپ, ساياباقتارعا شاعىن ارحيتەكتۋرالىق پىشىندەر ورناتىلادى. اتاپ ايتساق, «استانالىق» پاركىندە «جار جار», قابانباي باتىر داڭعىلى مەن كەرەي جانە جانىبەك حاندار كوشەسىنىڭ قيىلىسىندا «جەلپۋىشتەر», سونداي-اق, «كەرۋەن», «شارلار ورنەگى», «توي», «ورنەكتەلگەن اعاشتار» سەكىلدى ۇلتتىق ناقىشتاعى دەكوراتسيالار قويىلادى.
قالالىق الاڭدا كيىز ۇيلەر تىگىلىپ, التىباقاندار قۇرىلادى. جەڭىس داڭعىلىنىڭ كەنەسارى, اباي, جانگەلدين, بوگەنباي باتىر جانە ماسكەۋ كوشەلەرىمەن قيىلىسار تۇستارىنا, تەمىرجول ۆوكزالىنىڭ اۋماعىنا «ءبايشەشەكتەر» كومپوزيتسياسى ورناتىلادى.
مەرەكە كۇندەرى حالىقتىق سەرۋەن ۇيىمداستىرىلادى. «استانا ارەنا» ستاديونى, «جاستار» تەاترى جانە «قازاق ەلى» مونۋمەنتىنىڭ الدىندا, قالالىق الاڭدا, «ستۋدەنتتىك» جانە «جەرۇيىق» پاركتەرىندە, ميچۋرين جانە جەلەزنودوروجنىي كەنتتەرىندە, «شىعىس يلينكا», «پريگورودنىي», «ءوندىرىس» تۇرعىن الاپتارىندا, №20 ورتا مەكتەپ اۋماعىندا, سونداي-اق, «ناز» مەملەكەتتىك بي تەاترىنىڭ الدىندا مەرەكەلىك شارالار وتەدى. جيىن بارىسىندا تۇرعىندار نازارىنا شىعارماشىلىق ۇجىمداردىڭ كونتسەرتتەرى مەن ۇلتتىق تاعامدار ۇسىنىلادى.
ماتەريالدى “استانا اقشامى” گازەتىنىڭ astana-akshamy.kz رەسمي سايتىنا سىلتەمە جاساعاندا عانا پايدالانۋعا رۇقسات ەتىلەدى.
