جۋىردا «استانا وپەرا» تەاترىندا, استانالىق اۋەجاي مەن «كەرۋەن» ساۋدا ويىن-ساۋىق ورتالىعىندا ارت-دۇكەندەر اشىلادى. وندا تەاتردىڭ سيمۆوليكاسى بار كادەسىيلاردى, كيىم-كەشەكتەردى, باسقا دا تاۋارلاردى ساتىپ الۋعا بولادى. جوبا نۇر-سۇلتان قالاسى اكىمدىگىمەن بىرلەسىپ ۇيىمداستىرىلادى.
– يميدجدىك ءونىم ساتاتىن ساۋدا نۇكتەلەرىن اشۋ – مادەني قاۋىمداستىق قالىپتاستىرۋ, كلاسسيكالىق تەاتر ونەرى سالاسىنا كورەرمەندەر اۋديتورياسىنىڭ قىزىعۋشىلىعىن ارتتىرۋ بويىنشا ءىس-شارالار قاتارىندا تۇراتىن باستاما, – دەيدى «استانا وپەرا» تەاترى ديرەكتورىنىڭ ورىنباسارى ايجان قۇرمانعاليەۆا.
ونىڭ ايتۋىنشا, تەاتردىڭ كوپشىلىككە جاقىنداي تۇسۋگە ىقپال ەتەتىن «دوستار كلۋبى» جوباسى شىمىلدىقتىڭ ارعى جاعىنا ساياحات جاساۋعا, كورەرمەندەر مەن تەاتر اراسىنداعى ءوزارا قارىم-قاتىناستى جەتىلدىرۋگە سەپتەسەدى. ەلوردا اكىمدىگىنىڭ قولداۋىمەن اشىلاتىن ارت-دۇكەندەر تەاترعا ءبىر تابان جاقىنداۋعا, ونىڭ قايتالانباس رۋحىن سەزىنۋگە كومەكتەسەدى. سونداي-اق تەاترعا قاتىستى سىيلىقتارعا يە بولۋعا مۇمكىندىك بەرەدى.
تەاتردىڭ ماركەتينگ دەپارتامەنتىنىڭ ماماندارى تاۋارلار اسسورتيمەنتى كەڭ ەكەنىن جانە ۇدايى جاڭارتىلىپ وتىراتىنىن ايتادى. ارت-دۇكەندە نۇر-سۇلتان قالاسى مەن «استانا وپەرا» ەمبلەمالارى سالىنعان سپورتتىق كوستيۋم, باس كيىم, فۋتبولكا, شوپپەر-سومكە, ورامال, بلوكنوت, قالام, ساپتىاياق, ورگانايزەرلەر مەن باسقا دا كوپتەگەن تاۋارلاردى ساتىپ الۋعا بولادى.
