– استاناعا 2022 جىلى تامىزدا كەلدىم. قازىرگى تاڭدا پرەزيدەنت ساياباعىنىڭ تۋرا قاسىندا وتباسىممەن تۇرامىن. شىنىمدى ايتسام, بۇل ەلورداداعى ەڭ ادەمى جەر دەپ سانايمىن. سەبەبى وزەن جاعاسىندا, اعاشتاردىڭ ساياسىندا وتىرىپ دەمالعانعا نە جەتسىن؟! قالانى كوگالداندىرۋدىڭ ماڭىزى زور, كەز كەلگەن شاھاردىڭ ءسانى سول, وسى جاعىنان استانادا اعاشتاردى كوپتەپ وتىرعىزعانى ۇنايدى. 10-15 جىلدان كەيىن بۇل پاركتەر ودان سايىن قۇلپىرا تۇسەدى دەپ ويلايمىن. جالپى ەلوردانىڭ ءوزى الەمدى تاڭقالدىرۋ ماقساتىندا سالىنعان سەكىلدى. دەگەنمەن قالادا الدە دە ادامدار ءۇشىن, وتباسىلار ءۇشىن جايلى ورىندار جەتىڭكىرەمەيدى. سونداي-اق قار قالىڭ تۇسەدى. بىزدە لوندوندا قار از جاۋادى. سالقىنعا ۇيرەندىم, بىراق شاڭعى تەبە المايمىن. استانانىڭ قىسى ۇنايدى, سەبەبى كۇنى شۋاقتى بولىپ تۇرادى. جۇمىستان بوس ۋاقىتتا قالادا, پاركتە سەرۋەندەگەندى ۇناتامىن. مەنىڭ ۇلىم پاركتەردەگى سىرعاناقتا ويناعاندى جاقسى كورەدى. ەڭ باستىسى, اۋانى تۇتىننەن تازارتۋ ءۇشىن گازداندىرۋ جۇمىستارى تولىق جۇزەگە اسىرىلسا ەكەن. سەبەبى قازىر كومىر جاعاتىن ۇيلەردىڭ تۇتىنىنەن جانە كولىكتەردىڭ اۋاعا تاستايتىن قالدىقتارىنان قالاداعى اۋا ساپاسى اسا جاقسى ەمەس. ال ادامدارىنا كەلسەك, مۇندا حالىق وتە مەيىرىمدى, سىپايى. كەيدە تاكسيگە تاپسىرىس بەرىپ, قالانى ارالايمىن, سول كەزدە دە ءوزىمدى قاۋىپسىز سەزىنەمىن. استانانىڭ 25 جىلدىق مەرەيتويىندا قالانىڭ ودان ءارى گۇلدەنىپ, دامىعانىن تىلەيمىن! ەلوردا تۇرعىندارى مەن قوناقتارى ءۇشىن استانادا جايلى, قولايلى, قاۋىپسىز ءومىر بولۋى كەرەك.
كەتي لەچي, ۇلىبريتانيانىڭ
قازاقستانداعى ەلشىسى
