13-14 قاراشادا نازارباەۆ ورتالىعىندا «استانا كلۋبىنىڭ» ءتورتىنشى وتىرىسى وتەدى. وندا «2019 جىلعى ەۋرازياداعى جاھاندىق سىن-قاتەرلەردىڭ رەيتينگىسى» حالىقارالىق زەرتتەۋى تانىستىرىلادى.
«استانا كلۋبىنىڭ» باستى ميسسياسى – جاھاندىق بەتالىستاردى تالقىلاۋ جانە دۇنيە ءجۇزى مەن ەۋرازيا ايماعىنا اسەر ەتەتىن ەڭ ماڭىزدى ماسەلەلەردىڭ شەشىمىن ىزدەۋ, سونداي-اق الەمدىك ساياسي-ساراپشىلىق اۋديتورياعا قازاقستاننىڭ رەسمي ۇستانىمىن تانىستىرۋ. بيىلعى «استانا كلۋبىنىڭ» جۇمىسىنا الەمنىڭ 30 ەلىنەن, سونىڭ ىشىندە اۆستريا, اۋعانستان, بەلگيا, مىسىر, يتاليا, قىرعىزستان, پاكىستان, پولشا, پورتۋگاليا, ۇلىبريتانيا, ءۇندىستان, يندونەزيا, يران, يسپانيا, قىتاي, نورۆەگيا, رەسەي, سەربيا, سلوۆەنيا, حورۆاتيا, اقش, شۆەتسيا جانە جاپونيا سياقتى ەلدەردەن 50-دەن استام سپيكەر قاتىسادى.
كلۋبتىڭ پانەلدىك وتىرىستارىندا ۇلكەن ەۋرازيا بولاشاعىنىڭ ءتۇرلى ستسەناريلەرى, ەۋرازيالىق ەكونوميكالىق وداقتىڭ «بەلدەۋ جانە جول» باستاماسىنىڭ دامۋ پەرسپەكتيۆاسى, سونداي-اق ورتالىق ازياداعى ترانسفورماتسيانىڭ زاماناۋي ۇدەرىستەرى قاراستىرىلاتىن بولادى. ۇيىمداستىرۋشىلار – قر تۇڭعىش پرەزيدەنتى – ەلباسى قورى جانە ەلباسى قورى جانىنداعى الەمدىك ەكونوميكا جانە ساياسات ينستيتۋتى.
