استانادا ازىق-تۇلىك باعاسى قانداي؟
استانادا الەۋمەتكە قاجەتتى دەگەن قانت, قاراقۇمىق پەن كەيبىر كوكونىستەردىڭ باعاسى ايتارلىقتاي تومەندەدى, دەپ حابارلايدى ەلوردا اكىمدىگىنىڭ رەسمي سايتى.
اۋىلشارۋاشىلىعى باسقارماسىنىڭ مالىمەتىنشە, بۇگىندە «شاپاعات» كوممۋنالدىق بازارىندا كارتوپتىڭ باعاسى – 115 تەڭگە, پياز – 100 تەڭگە, ءسابىز – 105, كاپۋستا 90 تەڭگەدەن ساتىلىپ جاتىر.
«بيىل كارتوپتىڭ باعاسى 25 تەڭگەگە ارزاندادى, پياز 5 تەڭگەگە, كاپۋستانىڭ باعاسى سول قالپىندا قالدى» دەلىنگەن ۆەدومستۆونىڭ حابارلاماسىندا.
سونداي-اق, جارمانىڭ دا باعاسى تومەندەگەن. 2017 جىلى كۇرىشتىڭ باعاسى – 210 تەڭگە, قاراقۇمىق جارماسى – 253 تەڭگە, قانتتىڭ باعاسى 230 تەڭگە بولعان.
بيىل كۇرىش پەن قانتتىڭ باعاسى 40 تەڭگەگە ارزانداسا, قاراقۇمىق ەكى ەسە ارزاندادى. تەك ەتتىڭ باعاسى عانا وزگەرىسسىز قالعان. ماماندار وزگە دە الەۋمەتتىك ەمەس ازىق-تۇلىكتەردىڭ باعاسى وسكەنىن ايتۋدا. بىراق, بۇل – ۋاقىتشا قۇبىلىس. جاز ماۋسىمى كەزىندە بۇل باعالار تۇراقتانادى دەپ بولجانۋدا.