2024 جىلعى 26 ناۋرىزدا استانادا «قازاقستان مەن قىتاي اراسىنداعى ساۋدا قاتىناستارىن دامىتۋداعى جاڭا تاسىلدەر» تاقىرىبىنداعى ەكىنشى ەكسپورتتاۋشىلاردىڭ فورۋمى وتەدى, دەپ حابارلايدى astana-akshamy.kz.
ءىس-شارانى قازاقستان رەسپۋبليكاسى ساۋدا جانە ينتەگراتسيا مينيسترلىگىنىڭ قولداۋىمەن «QazTrade» اق ۇيىمداستىرادى.
ءىس-شاراعا قازاقستان مەن قىتايدىڭ مەملەكەتتىك ورگاندارى مەن كۆازيمەملەكەتتىك ۇيىمدارىنىڭ, ىسكەر توپتارىنىڭ وكىلدەرى قاتىسادى.
فورۋم قىتايمەن ساۋدانى دامىتۋدىڭ وزەكتى ماسەلەلەرىن تالقىلاۋعا ارنالعان الاڭ بولادى. باسىم تاۋارلاردىڭ ەكسپورتىنا, لوگيستيكاعا, سەرتيفيكاتتاۋعا, سونداي-اق قىتاي تاراپىمەن بىرلەسكەن ءوزارا ءتيىمدى جوبالاردى جوسپارلاۋعا ەرەكشە نازار اۋدارىلاتىن بولادى. فورۋمعا قىتايدان 120-دان استام ۇيىمنىڭ وكىلدەرى شاقىرىلدى.
بۇگىنگى تاڭدا قازاقستاندا وڭدەلگەن ءونىمدى 740 بەلسەندى ەكسپورتتاۋشى بار. ونىڭ 80%-عا جۋىعى شاعىن جانە ورتا بيزنەس وكىلدەرى.
ەستەرىڭىزگە سالا كەتەيىك, 2022 جىلى ەكسپورتتاۋشىلاردىڭ العاشقى فورۋمى قازاقستاننىڭ ەكسپورتقا باعدارلانعان 70-كە جۋىق كومپانياسىن جينادى. ءىس-شارا اياسىندا ءوز ونىمدەرىن سىرتقى نارىقتارعا بەلسەندى تۇردە ىلگەرىلەتەتىن وتاندىق تاۋار وندىرۋشىلەردىڭ كورمەسى ءوتتى.
فورۋمعا قاتىسۋ ءۇشىن كەلەسى سىلتەمە بويىنشا تىركەۋدەن ءوتىڭىز: https://docs.google.com/forms/d/1A9HnhNBMc89J9RxD8ZCngMzltyB7AThewzTPoMqMCsc/viewform?edit_requested=true
