استانادا ەلىمىزدىڭ بارلىق وڭىرلەرىندەگى ادىستەمەلىك ورتالىقتاردىڭ 300-دەن استام باسشىلارىنا ارنالعان «ادىستەمەلىك قىزمەتتىڭ قازىرگى زامانعى سىن-قاتەرلەرى مەن دامۋ تەندەنتسيالارى» اتتى وقىتۋ سەمينارى ءوتتى, دەپ حابارلايدى astana-akshamy.kz.
ورتا ءبىلىم بەرۋ كوميتەتىنىڭ توراعاسى قانىبەك جۇماشەۆ بۇگىنگى تاڭدا ادىستەمەلىك ورتالىقتار ءبىلىم بەرۋ سالاسىنداعى ۋاكىلەتتى ورگان مەن پەداگوگيكالىق قوعامداستىق اراسىنداعى كوپىرگە اينالعانىن اتاپ ءوتتى. «ءبىلىم بەرۋ جۇيەسىندەگى 22 مىڭ ءبىلىم بەرۋ ۇيىمىندا 550 مىڭنان استام پەداگوگ قىزمەت ەتەدى. ادىستەمەلىك ورتالىقتاردىڭ جۇمىسىنىڭ دۇرىس ءارى ۇيلەسىمدى جۇرگىزىلۋى ءبىلىم بەرۋ ساپاسىن ارتتىرۋعا تىكەلەي اسەر ەتەدى. بىراق مۇعالىمدەرگە ناتيجەلى كومەك پەن قولداۋ كورسەتۋ ءۇشىن ادىسكەر ءوز قۇزىرەتىن ۇنەمى ارتتىرىپ وتىرۋى قاجەت», – دەپ اتاپ ءوتتى قانىبەك جۇماشەۆ. ءىس-شارا اياسىندا كورمە ۇيىمداستىرىلدى. وندا ءبىلىم بەرۋ سالاسىنداعى جاڭا تەحنولوگيالار, ونىڭ ىشىندە ساباق بەرۋدى ۇيىمداستىرۋدا تسيفرلىق جانە AI-شەشىمدەر ۇسىنىلدى.
«قازىرگى زامانعى وزگەرىستەر جاڭا شەشىمدەردى تالاپ ەتەدى. ءبىز ەلىمىزدىڭ الەۋمەتتىك-ەكونوميكالىق دامۋ تەندەنتسيالارىنا بايلانىستى تالاپتاردىڭ جىل سايىن قالاي وزگەرەتىنىن كورىپ وتىرمىز. ادىستەمەلىك ورتالىقتار وكىلدەرىنىڭ قىزمەتى وسى وزگەرىستەرگە سايكەس وزەكتەندىرىلۋى ءتيىس. ويتكەنى زاڭناماداعى وزگەرىستەر مۇعالىمدەرگە قانشالىقتى انىق ءارى ناقتى جەتكىزىلەتىنى سىزدەرگە بايلانىستى. بۇگىن شاعىن توپتاردا سەمينارعا قاتىسۋشىلار ءبىلىم بەرۋ پروتسەسىندەگى نەگىزگى تاسىلدەرمەن ەگجەي-تەگجەيلى تانىستى. بۇل بەنچماركينگ, كەرى ديزاين, قۇندىلىققا باعىتتالعان, ينكليۋزيۆتى, كوممۋنيكاتيۆتى تاسىلدەر جانە ت. ب. سونداي-اق فاسيليتارلىق سەمينارلاردىڭ قورىتىندىسى بويىنشا ادىسكەرلەر ءوز جوبالارىن تانىستىردى», – دەدى ى.التىنسارين اتىنداعى ۇلتتىق ءبىلىم اكادەمياسىنىڭ پرەزيدەنتى مادينا تىنىباەۆا. ە
لىمىزدە بارلىعى 220 ادىستەمەلىك كابينەت (ورتالىق) جۇمىس ىستەيدى. وندا 2934 ادىسكەر ەڭبەك ەتەدى. انىقتاما ءۇشىن: ادىستەمەلىك ورتالىق (كابينەت) – وقۋ-ادىستەمەلىك جانە عىلىمي-ادىستەمەلىك جۇمىستى جۇزەگە اسىراتىن وڭىرلىك ءبىلىم باسقارمالارى جانىنداعى قوسالقى بولىمشە.
