ەلوردادا جاڭا جىل مەرەكەسى قارساڭىندا «پيروتەحنيكا» جەدەل الدىن الۋ شاراسىنىڭ ەكىنشى كەزەڭى ءوتىپ جاتىر. اتالعان شارا استانا قالاسىنىڭ تجد مەن ءىىد بىرلەسىپ ۇيىمداستىرىلدى.
رەيد شارالارى بارىسىندا پيروتەحنيكالىق ونىمدەردى زاڭسىز ساتۋدىڭ ءتورت دەرەگى تىركەلدى.
ەلوردانىڭ ورتالىق بازارىندا تەكسەرىلگەن ءۇش نۇكتەنىڭ بىرەۋى عانا زاڭدى تۇردە جۇمىس ىستەگەن. قالعان ەكى ساتۋشى ونىمدەردى رۇقسات بەرەتىن قۇجاتتارسىز جانە اشىق اۋادا ساتقان.
«ەكى دەرەك بويىنشا اكىمشىلىك سيپاتتاعى شارالار قابىلدايتىن بولامىز. ماتەريالداردى سوتقا جولداپ, پيروتەحنيكالىق بۇيىمداردى تاركىلەيمىز», – دەپ اتاپ كورسەتتى استانا ق. ءىىد اكىمشىلىك پوليتسيا باسقارماسىنىڭ ازاماتتىق جانە قىزمەتتىك قارۋ-جاراق اينالىمىن باقىلاۋ ءبولىمىنىڭ اعا ينسپەكتورى ءادىلحان باشاەۆ.
«ەرەجەگە سايكەس, پەتاردالار مەن وتشاشۋلاردى ءورت سوندىرەتىن باستاپقى قۇرالدارى بار جابىق نىساندا ساقتاپ, ساتۋعا بولادى. عيماراتتىڭ ءوزى اۆتوماتتى ءورت دابىلىمەن بلوكتانىپ, ىشىندە جارىق بولۋى ءتيىس», – دەپ ناقتىلادى استانا ق. تجد باس مامانى ايتباي ءابدىراحمانوۆ.
تجد قىزمەتكەرلەرى پيروتەحنيكا ونىمدەرىن ساتىپ الۋدا ونىڭ نۇسقاۋلىعىمەن تانىسۋعا كەڭەس بەرەدى, نۇسقاۋلىقتىڭ بولماۋى تاۋاردىڭ سەرتيفيكاتتالماعانىن, دەمەك دەنساۋلىق ءۇشىن قاۋىپتى ەكەنىن بىلدىرەدى. قاپتامانىڭ جانە ءونىمنىڭ بۇتىندىگىنە نازار اۋدارۋ قاجەت. سونداي-اق, ارقاشان قاراپايىم ەرەجەنى ەستە ۇستاۋ قاجەت: پەتاردالاردى وتشاشۋلاردى, زىمىرانداردى عيمارات ىشىندە جاعۋعا بولمايدى, جانە ولاردى بالكوندار مەن لودجيالاردان, جاڭاجىلدىق شىرشالاردىڭ, تۇرعىن ءۇي جانە شارۋاشىلىق نىسانداردىڭ قاسىندا پايدالانۋعا بولمايدى.
http://astana.gov.kz.
