استانا قالاسىندا جالپى كريمينوگەندى احۋال بويىنشا قىلمىستىڭ تومەندەگەنى بايقالادى.
سوڭعى ءۇش ايدىڭ ىشىندە قىلمىستىڭ دەڭگەيى 33%-عا ازايعان. ءىزى سۋىپ ۇلگەرمەگەن 87 قىلمىس اشىلسا, سوت پەن تەرگەۋ امالدارىنان قاشىپ جۇرگەن 14 قىلمىسكەر ۇستالدى. ءىز-ءتۇزسىز جوعالعان التى ادام تابىلىپ, 27 ادام ۋاقىتشا تەرگەۋ يزولياتورىنا قامالعان ەكەن.
قالالىق دەپارتامەنتتىڭ مالىمەتىنە سۇيەنسەك, ەلوردا كو شەلەرىندەگى بەينەباقىلاۋ كامەرالارىنىڭ كومەگىمەن 16 قىلمىس پەن 1 369 اكىمشىلىك قۇقىق بۇزۋشىلىق انىقتالدى. جول قوزعالىسى ەرەجەسىن بۇزعان 1480 دەرەك تىركەلسە, ول بويىنشا 6 ميلليوننان استام ايىپپۇل سالىنعان.
زاڭسىز كوشى-قوننىڭ الدىن الۋدا مىڭنان استام شەتەلدىك اكىمشىلىك جاۋاپكەرشىلىككە تارتىلدى. ونىڭ 233ى سوت تارتىبىمەن ەلدەن شىعارىلدى.
سونداي-اق شارىن, شانحاي بازارى, «ارتەم» ساۋدا ورتالىقتارىن تەكسەرۋ كەزىندە قولدانىستاعى ەرەجەنى بۇزعان 59 شەتەلدىكتىڭ ەلدە بولۋ مەرزىمدەرى قىسقارتىلدى.
گۇلميرا ايماعانبەت
