قالا تۇرعىندارى مەن قوناقتارىنا جاڭا جىل ءتۇنى كەرەمەت مەرەكەلىك باعدارلاما ۇسىنىلادى.
31 جەلتوقساندا ساعات 21:00-دەن 03:00-گە دەيىن «حان شاتىر» سوسو مۇز قالاشىعىندا, سونداي-اق كوڭىلدى ورتادا جاڭا جىلدى قارسى الۋعا نيەتتى جاندار قازاقستاندىق ەسترادا جۇلدىزدارىنىڭ قاتىسۋىمەن شوۋ-باعدارلاما مەن كونتسەرت تاماشالايدى. ەلوردادا جاڭا جىل ءتۇنى ايقىن تولەپبەرگەن, ءالي وقاپوۆ, مارجان اراپباەۆا, اعايىندى جۇگىنىسوۆتەر, «وردا» توبى, «دابىل» توبى جانە ت.ب. ارتىستەر ونەر كورسەتەدى.
ەلىمىزدىڭ باس شىرشاسىنىڭ جانىندا اشىلعان مۇز قالاشىعىندا كەلۋشىلەردى كوپ قىزىق كۇتەدى.
سونىمەن قاتار, جاڭا جىل ءتۇنى مەرەكەلىك وتشاشۋ ۇيىمداستىرىلادى. 2017 جىلى ساليۋت ەلوردانىڭ ءۇش اۋدانىندا بولادى – «حان شاتىر» سوسو جانىندا, ەسىل وزەنىنىڭ جاعالاۋىندا, سونداي-اق, ابىلاي حان داڭعىلى مەن ا. پۋشكين كوشەسىنىڭ قيىلىسىنداعى سكۆەردە. كونكي تەبۋدى ۇناتاتىن جاندار ءۇشىن جاعالاۋداعى جاڭا جىل ءتۇنى ەرەكشە بولماق. مۇندا قالا تۇرعىندارى ءۇشىن جاپپاي كونكي تەبۋ ۇيىمداستىرىلادى.
http://astana.gov.kz.
