استانادا جاسىرىن سيقىرشىلار مەكتەبى بار ما؟
اقپارات كوزى جاسىرىن تۇردە جۇمىس ىستەيتىن سيقىرشىلار مەكفلاسقانىن جازباعان. تەك ۆالەري دەگەن سيقىرشىنىڭ وقۋشىلاردى سيقىردىڭ قىر-سىرىنا باۋليتىنىن ايتقان. بۇل مەكتەپتە جەتكىنشەكتەر ەكستراسەنستىق الەمگە دە تەرەڭ بويلاۋمەن قاتار, شوپپەن ەمدەۋدى دە ۇيرەنەتىن كورىنەدى.ارينە, ەلوردالىق وقۋشىلار سيقىرشىلىق ونەردى مەڭگەرىپ, بالتابەك, رايسا جۇماعۇلوۆتار, التىناي بايتوقانوۆالار سەكىلدى الەمگە تانىلىپ جاتسا, نەسى ايىپ؟ بىراق ەلدى الاڭداتقانى بۇل ەمەس, سيقىرشىلار مەكتەبىنىڭ جاسىرىن جۇمىس ىستەۋى ەدى. ەگەر ىسىندە قانداي دا ءبىر كىلتيپان بولماسا, ول نەگە جۇمىسىن قۇپيا جۇرگىزەدى؟ وسىدان بىرنەشە جىل بۇرىن ليتۆادا وسىنداي سيقىرشىلار مەكتەبى اشىلعاندا, جەرگىلىكتى ءدىني باسقارما ونى قۇپتامايتىنىن اڭعارتقان. بىراق بۇل مەكتەپ ءوزىنىڭ جۇمىسىن اشىق تۇردە جۇرگىزىپ, وقىعىسى كەلگەن وقۋشىلاردى تەك اتا-اناسىنىڭ رۇقساتىمەن قابىلداعان. سونىڭ وزىندە بيلىك وكىلدەرى الاڭداۋشىلىق تانىتقان. ال ەلورداداعى مەكتەپتىڭ بارى راس بولسا, ونىڭ قانداي باعىت-باعدار ۇستاناتىنى, ماقسات-مۇددەسى نە ەكەندىگى بەيمالىم. ءارى مۇندا ەجەلگى مىسىرلىق جانە ريمدىك ميستەريالار تۋرالى دا ايتىلاتىن كورىنەدى. بۇل – تىكەلەي دىنمەن بايلانىستى ءىلىم.
استاناداعى جاسىرىن سيقىرشىلار مەكتەبى توڭىرەگىندەگى اڭگىمە ەلوردالىق ءبىلىم باسقارماسى ماماندارىنىڭ دا قۇلاعىنا جەتىپتى. وسى مەكەمەنىڭ ادىسكەرى زامزاگۇل كەنجەاحمەتوۆانىڭ ايتۋىنشا, ەلوردادا مۇنداي مەكتەپتىڭ بولۋى مۇمكىن ەمەس, بۇل – شىندىققا جاناسپايتىن قاۋەسەت ءسوز. اقپارات تارالىسىمەن ءبىلىم باسقارماسى كۇللى مەكتەپتەرگە شىعىپ, باسشىلار مەن ولاردىڭ ءتاربيە ءىسى جونىندەگى ورىنباسارلارىنا, سىنىپ جەتكشىلەرىنىڭ ادىستەمەلىك بىرلەستىگىنە, مەكتەپ ينسپەكتورلارى مەن پسيحولوگتارعا وقۋشىلارمەن سويلەسىپ, ولاردىڭ ءجۇرىس-تۇرىسىن باقىلاۋعا الۋعا, اتا-انالارمەن تىعىز جۇمىس ىستەۋگە تاپسىرما بەرگەن.
– بىزدە اپتاسىنا ەكى رەت تاربيە جۇمىستارى جونىندە ارنايى جيىن وتەدى. اتقارىلعان جۇمىستاردىڭ ءناتيجەسىن وسى باسقوسۋدا تالقىلايمىز.
جاسىرىن جۇمىس ىستەيتىن سيقىرشىلار مەكتەبى ماسەلەسى دە كەڭىنەن ءسوز بولىپ, باقىلاۋدى كۇشەيتتىك. بىراق ەشقانداي ايعاقتار تابىلعان جوق. وقۋشىلارىمىزدىڭ بويىنان دا وعاش قىلىق پەن كۇدىك تۋعىزاتىن جاعدايلاردى كورگەن جوقپىز. سوندىقتان بۇل اڭگىمە شىندىققا ەش جاناسپايدى, – دەيدى زامزاگۇل سەيىتقىزى بىزگە بەرگەن تۇسىنىكتەمەسىندە.
دەگەنمەن دە «ساقتىقتا قورلىق جوق». قازىرگى تاڭدا اعىلشىن جازۋشىسى دجوان روۋلينگتىڭ ويدان قۇراستىرعان كەيىپكەرى گارري پوتتەرگە ەلىكتەگىسى كەلەتىن جەتكىنشەكتەر بارشىلىق. بالالارىمىز زۇلىم كۇشتى سيقىرلىق قاسيەتىمەن جەڭگەن بريتاندىق بالاعا ۇقسايمىن دەپ اداسىپ, جاسىرىن ۇيىمدارعا مۇشە بولماسىنا كىم كەپىل؟ سوندىقتان اتا-انالار بالالارىنىڭ بوس ۋاقىتىن قالاي, كىممەن وتكىزەتىنىن ءبىلىپ-سۇراپ, ءجۇرىس-تۇرىسىن باقىلاپ وتىرعانى ارتىق بولماس.
قىمبات توقتامۇرات