استانا
الداعى جىلى ەلوردانىڭ 6 ورتالىق كوشەسىنە اۆتوبۋستارعا ارنالعان جولاق سالىنادى. Bus Lane جولاعى دوستىق, د.قوناەۆ, تۇركىستان, اقمەشىت كوشەلەرىندە, سونداي-اق, سارىارقا داڭعىلىنان ك.كۇمىسبەكوۆ كوشەسىنە دەيىنگى ارالىقتاعى كەنەسارى جانە اباي كوشەلەرىندە پايدا بولادى.
الماتى
ءال-فارابي اتىنداعى قازۇۋ ەلىمىزدەگى بولىنگەن وقۋ گرانتتارىنىڭ سانى بويىنشا كوشباسشى اتاندى. بيىل وقۋ ورنىن 6,6 مىڭنان استام ۇزدىك تۇلەك تاڭداعان.
شىعىس قازاقستان وبلىسى
سەمەيدە 2019 جىلدان باستاپ اۆتوبۋستار ەلەكتروندى بيلەتكە كوشەدى. قالا باسشىلىعى قوعامدىق كولىكتەر اراسىندا تەندەر وتكىزىپ, 170 جاڭا اۆتوبۋس ساتىپ الۋدى جوسپارلاعان.
قاراعاندى وبلىسى
قاراعاندىدا حايۋاناتتار باعىنىڭ ەسكى عيماراتى ورنىنا جاڭا نىسان سالىنىپ جاتىر. پاۆيلوندار كليماتتىق قوندىرعىلارمەن جابدىقتالىپ, جانۋارلاردى قىس مەزگىلىندە ۇستاۋعا قولايلى بولماق.
اتىراۋ وبلىسى
اتىراۋ مەكتەپتەرىندە 300-دەن اسا مۇعالىم جەتىسپەيدى. سوڭعى كەزدەرى ءبىلىم وردالارىندا ورىس ءتىلدى سىنىپتارعا سۇرانىس ارتا تۇسكەن.
تۇركىستان وبلىسى
بايدىبەك اۋدانىنىڭ ورتالىعى شايان اۋىلىندا «نۇرلى جەر» باعدارلاماسى بويىنشا 55 گەكتار جەر تەلىمىنە ينجەنەرلىك-كوممۋنيكاتسيالىق ينفراقۇرىلىم جۇرگىزىلدى. اتالعان جەر تەلىمدەرى كەزەكتە تۇرعان 326 تۇرعىنعا بەرىلەدى.
اقتوبە وبلىسى
اقتوبە وبلىسىنا قاراستى ايتەكە بي اۋدانىنىڭ قارابۇتاق اۋىلىندا «اكەلەر ساياباعى» اشىلدى. ءوزى تۋىپ-ءوسكەن اۋىلعا ساياباقتى «رۋحاني جاڭعىرۋ» باعدارلاماسىنىڭ «تۋعان جەرگە تاعزىم» جوباسى اياسىندا كاسىپكەر قايرات قويلىباەۆ تارتۋ ەتتى.
