استانا
قازاقستان رەسپۋبليكاسىنىڭ ءدىن ىستەرى جانە ازاماتتىق قوعام مينيسترلىگى جاستار ساياساتى دەپارتامەنتى «بىرىڭعاي «جاس ۇلان» بالالار مەن جاسوسپىرىمدەر ۇيىمى» مەن «بولاشاق» ستيپەندياتتار قاۋىمداستىعىمەن بىرلەسىپ, استانا قالاسىنىڭ «اتامەكەن» قالاسى ەتنو-مەموريالدىق كەشەنىنىڭ اۋماعىندا «كيەلى تۇركىستان» تاقىرىبىندا اشىق ءدارىس ءوتتى.
قاراعاندى وبلىسى
وبلىس باسشىسى ەرلان قوشانوۆ جەزقازعان قالاسىنىڭ جاڭا اكىمىن تانىستىردى. بۇل قىزمەتكە قايرات بەگىموۆ تاعايىندالدى.
باتىس قازاقستان وبلىسى
اۋىلدىقتارعا شاعىن نەسيە بەرەتىن «ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋ» باعدارلاماسى وبلىستا اۋماقتىق ەت كلاستەرىن قۇرۋعا ايتارلىقتاي سەرپىن بەرىپ وتىر. بيىلعى جىلى بۇل سالاعا بولىنەتىن قارجى كولەمى ەكى ەسە ۇلعايىپ, 4,2 ميلليارد تەڭگە بولىپ بەلگىلەنگەن.
قىزىلوردا
وبلىستىق عىلىمي كىتاپحانادا اياتتارى شوپپەن جازىلعان قۇران كارىم كىتابىنىڭ تۇپنۇسقاسى ساقتاۋلى تۇر. 1740 جىلى مىسىرد اعى «فارۋحي» باسپاسىندا قاتتالعان جيناق 446 بەتتەن تۇرادى. كىتاپ مۇقاباسى ارنايى يلەنگەن قوڭىر ءتۇستى مال تەرىسىمەن قاپتالعان.
شىعىس قازاقستان وبلىسى
ماقانشى اۋىلىندا 320 ورىندىق جاڭا مەكتەپ سالىنىپ جاتىر. الەۋمەتتىك نىساندى تۇرعىزۋعا رەسپۋبليكالىق بيۋدجەتتەن 1 ميلليارد تەڭگەدەن استام قاراجات بولىنگەن.
اقتاۋ
تاياۋدا اقتاۋ قالاسىندا بىرىڭعاي ۇلگىدەگى ساۋدا نۇكتەلەرى پايدا بولماق. ول دۇكەندەردە ازىق-تۇلىك پەن جەمىس-جيدەكتەر ساتىلاتىن بولادى. مۇنداي ساۋدا ورىندارى كاسىپكەرلەردىڭ ءوز قارجىسىنا سالىنادى.
اتىراۋ
قالا قوناقتارى مەن تۇرعىندارعا ارنالعان «كيەلى وتىراردىڭ مادەني مۇرالارى» جىلجىمالى كورمەسى اشىلدى. وتىرار مەملەكەتتىك ارحەولوگيالىق قورىق-مۋزەيى كورمەدە ءوز قورىنداعى ح-ءحVىىى عاسىرلارعا ءتان ارحەولوگيالىق تۇرمىستىق بۇيىمدار, نۋميزماتيكالىق جانە زەرگەرلىك زاتتار, قارۋ-جاراق تۇرلەرى, سونىمەن قاتار ارىستان باب اۋليە جانە ونىڭ كەسەنەسى تۋرالى تاريحي دەرەكتەمەلەر كوپشىلىك نازارىنا ۇسىنىلع ان.
