قىزىلوردا وبلىسى
وبلىستا تسيفرلىق تەحنولوگيالار باسقارماسى قۇرىلدى. بۇل قۇرىلىم تسيفرلىق تەحنولوگيالاردى نارىقتىق ستاندارتتارعا سايكەس دامىتۋ ماقساتىندا قولعا الىنعان.
قوستاناي
قالا تۇرعىنى ءتارتىپ ساقشىلارىنا ءوز ەركىمەن ف-1 گراناتاسىن تاپسىردى. بۇل ءراسىم وبلىستىق تجد قىزمەتكەرلەرىنىڭ قاتىسۋىمەن وتكەن. تاپسىرىلعان قارۋدىڭ تۇتاندىرعىشى جوق. ءىىد قىزمەتكەرلەرى ونى ارنايى تەكسەرۋدەن وتكىزگەن سوڭ جويۋعا جىبەرەدى.
اقتوبە
وبلىس دارىگەرلەرى 2014 جىلدان باستاپ ورگانداردى ترانسپلانتاتسيالاۋ باعدارلاماسىن جۇرگىزۋدە. وتكەن ءتورت جىل ىشىندە ولار بۇيرەكتى ترانسپلانتاتسيالاۋ بويىنشا – 38, باۋىردى ترانسپلانتاتسيالاۋ بويىنشا 12 وتا جاساعان.
سەمەي
ءبىلىم كۇنىنە وراي 50 جالپى ءبىلىم بەرەتىن مەكتەپتە IT-سىنىپتار اشىلدى. «ءMenىn ءmektebىm» جوباسى اياسىندا اشىلعان بۇل سىنىپتاردىڭ اربىرىندە 11 نوۋتبۋك, ديودتى ەكران, روبوتوتەحنيكا جيىنتىقتار, 3D پرينتەرلەر بار.
الماتى
ون التى جاسار ونەرتاپقىش ليۋبوۆ دۋدچەنكو ارنايى قوسىمشا ويلاپ تاپتى. ونىڭ جوباسى قىتايدا جاسوسپىرىمدەر اراسىندا وتكەن عىلىمي-تەحنيكالىق بايقاۋدا جۇلدەلى ورىنعا يە بولعان. ارنايى قوسىمشانىڭ كومەگىمەن كەز كەلگەن تەرىلگەن ءماتىن دىبىستىق جازباعا نەمەسە برايل تاڭباسىنا اۋىسادى.
ماڭعىستاۋ وبلىسى
ءبىلىم كۇنى قارساڭىندا وبلىستا 9 جاڭا مەكتەپ اشىلدى.
پاۆلودار
پاۆلودارداعى 6 مەكتەپتىڭ 5-سىنىپ وقۋشىلارى قازاق ءتىلىن لاتىن گرافيكاسىندا وقۋدى باستادى. مۇنداي فاكۋلتاتيۆ كۋرستار العاش رەت قازاق تىلىندە ءبىلىم بەرەتىن مەكتەپتەردە ەنگىزىلگەن.
جامبىل وبلىسى
تاراز قالاسىندا باسپانا كەزەگىندە تۇرعان 80 وتباسىعا پاتەر كىلتى تابىستالدى. «اراي» تۇرعىن الابىنداعى بۇل ءۇي «نۇرلى جەر» مەملەكەتتىك باعدارلاماسىنىڭ اياسىندا سالىندى. جوبا قۇنى 634 ملن تەڭگەنى قۇرادى.
