استانادان اۋىلعا دەيىن…
استانا
باس قالادا بالالار مەكەمەلەرىنىڭ ماڭىنداعى جولداردىڭ اپاتقا قاۋىپتى ۋچاسكەلەرىندە سىرعاناۋعا كەدەرگىسى بار قىزىل جولاقتار توسەلدى.
الماتى وبلىسى
وبلىس پوليتسەيلەرى ءىز-ءتۇزسىز جوعالعان زەينەتكەردى تاۋىپ الدى. الماتى قالاسىنىڭ اۋرۋحانالارىنىڭ بىرىنە اۋىر جاراقاتپەن تۇسكەن قارت كىسىگە بەلگىسىز بىرەۋلەر قاراقشىلىق شابۋىل جاساعان. قازىر كۇدىكتىلەر انىقتالىپ, قاماۋعا الىندى.
اتىراۋ وبلىسى
اتىراۋ قالاسىندا العاش رەت پارادزيۋدودان الەم كۋبوگى وتۋدە. وعان 200-گە جۋىق بالۋان قاتىسىپ جاتىر.
باتىس قازاقستان وبلىسى
ورال قالاسىنداعى قر تۇڭعىش پرەزيدەنتى الاڭىندا رەسپۋبليكالىق سابانتوي مەيرامى تويلاندى. وعان تاتارستان ەلىنەن دەلەگاتسيا قاتىستى.
قوستاناي وبلىسى
استىقتى ولكەدە ەگىن وراعى قىزۋ ءجۇرىپ جاتىر. بۇگىنگى كۇنگە دەيىن ەگىننىڭ 33 پايىزى ورىلعان. استىقتىڭ ورتاشا ءتۇسىمى گەكتارىنان 10,5 تسەنتنەردەن بولىپ وتىر.
پاۆلودار وبلىسى
ايماقتا جاريالانعان «ەكولوگيا جىلى» اياسىندا پاۆلودار قالاسىنىڭ ماڭىندا 800 گەكتارلىق جاسىل بەلدەۋ قۇرىلادى.
جامبىل وبلىسى
وبلىستاعى 12 كم استام ماگيسترالدىق جىلۋ جەلىلەرى اۋىستىرىلادى.
تۇركىستان وبلىسى
تۇركىستان وبلىسىندا 43 مىڭ تۇرعىننىڭ ايلىعى 60 مىڭ تەڭگەدەن اسپايدى. بۇل تۋرالى وبلىستىق مەملەكەتتىك كىرىستەر دەپارتامەنتىنىڭ باسشىسى الىبەك تىلەگەنوۆ «نۇر وتان» پارتياسى جانىنداعى قوعامدىق كەڭەستىڭ كەزەكتى وتىرىسىندا ءمالىمدەدى.
شىمكەنت
شىمكەنت قالاسىنا «7-20-25» باعدارلاماسى بويىنشا تۇرعىن ءۇي قۇنىنىڭ ءليميتى 25 ملن تەڭگەگە دەيىن ۇلعايتىلدى. بۇرىن بۇل سوما 15 ميلليون تەڭگە بولعان.