استانا
«استانا» فۋتبول كلۋبىنا جاڭا باس باپكەر تاعايىندالدى. ەندى كوماندانى ۋكرايندىق مامان رومان گريگورچۋك جاتتىقتىراتىن بولادى.
وڭتۇستىك قازاقستان وبلىسى
ماقتاارال اۋدانىنىڭ ديقاندارى ەگىستىكتەن العان العاشقى ونىمدەرىن رەسەيگە جىبەردى. ءبىر كۇندە 20 توننا تاۋار ساۋدالاعان ديقانشىلار جالپى اۋقىمى 55 توننا قاۋىن مەن 45 توننا قاربىز جونەلتكەن.
اتىراۋ وبلىسى
اتىراۋدا ۇشەم دۇنيەگە كەلدى. ۇشەۋى دە ۇل. قىزىلقوعا اۋدانىنىڭ قونىستانۋ اۋىلىندا تۇراتىن ارداق جانە ءۋالي ايداربەكوۆتەر وتباسىندا وسىعان دەيىن ءتورت ۇل بار ەدى.
پاۆلودار وبلىسى
پاۆلوداردا جاياۋ جۇرگىنشىلەر وتەتىن جولاقتاردىڭ الدىندا جول-كولىك وقيعالارىنىڭ الدىن الۋ ماقساتىندا جازۋلار پايدا بولدى. جاياۋ جۇرگىنشىلەر جولىندا: «جاياۋ جۇرگىنشى! ساعان جۇرگىزۋشى جول بەرگەنىنە كوز جەتكىز!», «جان-جاعىڭا قارا!» دەگەن جازۋلار ورنالاستىرىلعان.
اقمولا وبلىسى
كوكشەتاۋدا از قامتىلعان وتباسىلاردان شىققان بالالار ءۇشىن سپورت ۇيىرمەلەرى ۇيىمداستىرىلدى. «باقىتتى بالالىق شاقتىڭ كۇزەتىندە» اتتى قايىرىمدىلىق شاراسى اياسىندا جەتكىنشەكتەر سپورتپەن تەگىن شۇعىلداناتىن بولادى.
قاراعاندى وبلىسى
31 مامىر – ساياسي قۋعىن-
سۇرگىن قۇرباندارىن ەسكە الۋ كۇنىندە قاراعاندىدا ەكى بىردەي تاستۇعىر ورناتىلدى. چەح جانە يران قۇرباندارىنا ارنالعان ەسكەرتكىشتەردىڭ اشىلۋ سالتاناتىنا بەس مەملەكەتتىڭ ەلشىسى كەلدى.
جامبىل وبلىسى
تارازدا العاشقى برودكاستينگ زالى اشىلدى. جاڭا تەحنولوگيامەن جابدىقتالعان بۇل ورتالىق جاستاردىڭ تسيفرلىق ساۋاتتىلىعىن ارتتىرۋعا باعىتتالعان. ول «قازاقستاننىڭ كىتاپحانالارى» جوباسى اياسىندا پايدالانۋعا بەرىلىپ وتىر.
سولتۇستىك قازاقستان وبلىسى
پەتروپاۆلدا قاراقۇمىق پەن ءداندى داقىلدار وندىرەتىن العاشقى تسەح اشىلدى. «راحاتوپت» جشس ءوندىرىستى «بيزنەستىڭ جول كارتاسى 2020» مەملەكەتتىك باعدارلاماسى
اياسىندا اشىلىپ وتىر. اي سايىن 40 توننا ءونىم ءوندىرۋدى كوزدەيتىن بۇل كاسىپورىن بيىل ەلىمىزدىڭ بىرنەشە قالاسىنان ءوز فيليالىن اشپاق.
