اقتوبە وبلىسى
«بيزنەستىڭ جول كارتاسى-2020» باعدارلاماسى بويىنشا بىلتىر وبلىس بويىنشا 400-گە جۋىق جوبا قولداۋ تاپقان. بارلىعى 1500 كاسىپكەرگە 24 ملرد تەڭگەگە قارجىلاي كومەك بەرىلگەن.
شىعىس قازاقستان وبلىسى
وسكەمەندىك باعبان ۆياچەسلاۆ كامچاتنىي الىپ اسقاباق ءوسىردى. كورگەن جۇرتتىڭ تاڭدايىن قاقتىرعان ءونىمنىڭ بيىكتىگى – 40 سم, جالپاقتىعى – 80 سم. ەندى ەرەكشە ءونىم اسقاباقتار فەستيۆالىنە قويىلادى.
قاراعاندى وبلىسى
قاراعاندىنىڭ كوللەدجدەرى مەن جوعارى سىنىپ وقۋشىلارىنا قازاق تىلىنە اۋدارىلعان 100 وقۋلىق تاراتىلدى. يگىلىكتى ءىس «جاڭا گۋمانيتارلىق ءبىلىم. قازاق تىلىندەگى 100 جاڭا وقۋلىق» اتتى رەسپۋبليكالىق جوبانىڭ شەڭبەرىندە جۇزەگە اسىرىلدى.
جامبىل وبلىسى
جامبىلدىق مۇعالىمدەر اسىق ويىنىنىڭ جاڭا ءتۇرىن ويلاپ تاپتى. يننوۆاتسيالىق ويىن «ءۇشباس» دەپ اتالادى. ويىننىڭ كەيبىر تۇسى تاستاياق پەن فۋتبولدىڭ ەلەمەنتتەرىنە ۇقساعانىمەن, بىراق اسىقپەن وينالادى.
اتىراۋ وبلىسى
اتىراۋ قالاسى ءوزىنىڭ 378 جىلدىعىن اتاپ ءوتتى. قالا كۇنى مەرەكەسىنە وراي ۇزىندىعى 10 مەترلىك, ەنى 80 مەترلىك تورت دايىندالدى. سول كۇنى «نۇرسايا» ىقشام اۋدانىندا 800 ورىندىق جاڭا اكۆاپاركتىڭ اشىلۋ ءراسىمى ءوتتى.
قوستاناي وبلىسى
وبلىستا 7 اۋىلدىڭ اتاۋى وزگەردى. سونىمەن قاتار, 73 كوشەنىڭ اتاۋلارى دا جاڭارتىلدى. مىسالى, قوستاناي قالاسىنداعى اۆياتسيوننايا كوشەسى كامشات دونەنباەۆا, زاتابول كەنتىن توبىل دەپ وزگەرتۋ جونىندەگى ۇسىنىستى دا كوپشىلىك قولدادى. جۋىردا عانا تاران اۋدانىن بەيىمبەت مايليننىڭ اتىمەن اتاۋ تۋرالى ۇسىنىس تا قولداۋ تاپقان ەدى.
تۇركىستان وبلىسى
جاپوندىق كاسىپكەرلەر تۇركىستاننىڭ ينفراقۇرىلىمىنا ينۆەستيتسيا سالۋعا قىزىعۋشىلىق تانىتتى. جاپوندىق كومپانيا بيىك ۇيلەردى, سۋ قۇبىرلارىن جانە كاناليزاتسيا جەلىلەرىن سالۋعا قاتىسۋدى جوسپارلاپ وتىر.
