استانادان اۋىلعا دەيىن…
استانا
ەلوردانىڭ بايقوڭىر اۋدانىندا جارىق جازۋلارىنىڭ مونيتورينگىن جۇرگىزۋ قولعا الىندى. تەكسەرىس كەزىندە انىقتالعان اقاۋلىقتار نەگىزىندە ناقتى جۇمىستار جۇرگىزىلدى.
الماتى
وڭتۇستىك مەگاپوليستە جىل سوڭىنا دەيىن ايالدامالاردا ەلەكتروندى تابلو قاتارعا قوسىلادى. ونىڭ العاشقىسى تيميريازەۆ كوشەسى بويىنداعى BRT جەلىسىندە پايدا بولادى.
شىمكەنت
شىمدى قالانىڭ تاشكەنت باعىتىنان كىرەتىن قاقپا جاڭارتىلدى. شاھاردىڭ كىلت بەينەسىندەگى قاقپاسىنىڭ ساۋلەتتىك كەسكىندەمەسى كوپ ءوزگەرگەن جوق. نەگىزىنەن, قاقپا تورىندەگى وبلىس اتاۋى قالا اتىنا اۋىستىرىلدى.
قاراعاندى وبلىسى
كەنشىلەر وڭىرىندە 2022 جىلعا قاراي ۆولفرام شىعارۋ قولعا الىنۋى مۇمكىن. گەولوگتار وبلىستاعى سولتۇستىك قاتپار كەن ورنىندا ۆولفرام قورى مول ەكەنىن راستادى.
وسكەمەن
التايدىڭ باۋرايىنداعى قالادا جاقىن ارالىقتا 85 جاڭا اۆتوبۋس ساتىپ الىنىپ, مارشرۋتقا قوسىلادى.
باتىس قازاقستان وبلىسى
وبلىستىڭ باتىسىنداعى سايقىن كەنتىندە ەكى پاتەرلىك 16 ءۇيدىڭ قۇرىلىسى باستالدى. جالپى, بيىل اۋداندا ەكى پاتەرلىك 5 ءۇي جانە ينفراقۇرىلىمدارمەن قامتاماسىز ەتىلگەن جەر ۋچاسكەلەرى قولدانىسقا بەرىلگەن.
قىزىلوردا
قالانىڭ 200 جىلدىق مەرەيتويى اياسىندا قورقىت اتا ەسكەرتكىشى جاڭعىرتىلدى. جاڭعىرتۋ جۇمىستارى دەمەۋشىلەردىڭ قاراجاتى ەسەبىنەن جۇرگىزىلدى. ەسكەرتكىش اۋماعى اباتتاندىرىلىپ, كوگالداندىرىلدى, كەراموگرانيتپەن قايتا قاپتالدى.
پاۆلودار
پاۆلوداردا وبلىستىق تەلەراديو حابارلارىن تاراتۋ كوميتەتىنىڭ تۇڭعىش توراعاسى حامزا توقپانوۆقا ونىڭ ءوزى نەگىزىن قالاعان تەلەستۋديا عيماراتىندا مەموريالدى تاقتا ورناتىلدى.
قوستاناي وبلىسى
التىنسارين اۋدانىنداعى «جايلاۋ» دەمالىس بازاسىندا جاستاردىڭ ايماقارالىق اقپاراتتىق لاگەرى ۇيىمداستىرىلدى. كەلەشەك بۇل مەكەن جاستاردىڭ دەمالىس ورتالىعىنا اينالعالى تۇر.