استانا
«استانا قالاسىنداعى جاڭا كولىك جۇيەسى» جەلىلەرىن سالۋ جوباسىنا بايلانىستى سىعاناق كوشەسىندە كولىك قوزعالىسى ءىشىنارا شەكتەلەدى.
قاراعاندى وبلىسى
«سارىارقا» ماگيسترالدىك گاز قۇبىرىنىڭ قۇرىلىسى باستالدى. كەلەر جىلى ءوڭىردىڭ 120 ەلدى مەكەنىنە تابيعي گاز تارتۋ جوسپارلانۋدا.
شىعىس قازاقستان وبلىسى
سەمەي قالاسىنىڭ اۋماعىنان «قاراعايلى» اتتى جاڭا تۇرعىن ءۇي اۋدانى بوي كوتەردى. ەندى اتالمىش اۋماقتا قۇنى 12 ملرد تەڭگە بولاتىن سپورت كەشەنى سالىنۋدا.
وڭتۇستىك قازاقستان وبلىسى
شىمكەنت قالاسىنىڭ ميلليونىنشى تۇرعىنى دۇنيەگە كەلدى. وبلىس اكىمى جانسەيىت تۇيمەباەۆ ايسۇلۋ ەسىمدى ءسابيدى ومىرگە اكەلگەن ەلامانوۆتار وتباسىنا ەكى بولمەلى پاتەر سىيلادى.
پاۆلودار وبلىسى
قالالىق ساياباقتا ەتنواۋىل اشىلدى. شاعىن قالاشىق پاۆلودار وبلىسىنىڭ ءار اۋدانى مەن قالاسى قۇرعان 26 كيىز ۇيدەن تۇرادى.
قوستاناي وبلىسى
وڭىردەگى 514 مەكتەپتىڭ بارلىعى تولىقتاي ينتەرنەت جەلىسىنە قوسىلدى. سونىمەن قاتار 445 مەكتەپ مۋلتيمەديالىق قۇرىلعىلارمەن جابدىقتالدى.
الماتى وبلىسى
پەدياتريا جانە بالالار حيرۋرگياسى عىلىمي ورتالىعىندا «Smart School» وقۋ سىنىبى اشىلدى. يننوۆاتسيالىق سىنىپتا ۇزاق ۋاقىت اۋرۋحانادا جاتقان بالالار ءبىلىم باعدارلاماسىمەن قاتار شاحمات, كونسترۋكتور قۇراۋ سىندى شىعارماشىلىق جۇمىسپەن اينالىسا الادى.
اقتوبە
اقتوبەدەن 20 شاقىرىم جەردەگى قۋرايلى اۋىلىنا جاقىن ماڭنان ەجەلگى زامانداعى بەدەلدى ادام مەن ونىڭ جىلقىسى جەرلەنگەن كونە وبا تابىلدى. زەرتتەۋشىلەردىڭ پىكىرىنشە, تابىلعان زاتتار عۇن داۋىرىنە تيەسىلى.
اقمولا وبلىسى
بۇلاندى اۋدانىنىڭ تۇرعىنى ءوزى جاساپ شىعارعان «رۋحاني جاڭعىرۋ» لوگوتيپى بار اۆتوكولىك تىسقابىن تانىستىردى.
