قر ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا استانا قالاسىنىڭ 102 جاستاعى تۇرعىنى, تىل ەڭبەككەرى دانا دوسپولوۆانى حالىقارالىق ايەلدەر كۇنىمەن قۇتتىقتادى.
– ءسىز ءوز ومىرىڭىزدە كوپ جاعدايدى باستان كەشىردىڭىز. باسقا دا قازاقستاندىقتارمەن بىرگە تىلدا ايانباي ەڭبەك ەتىپ, ۇلى وتان سوعىسىنداعى جەڭىستى جاقىنداتۋعا ۇلەس قوستىڭىز. ودان كەيىن ەلدىڭ ەڭسەسىن كوتەرۋگە اتسالىسىپ, بالالارىڭىز بەن نەمەرەلەرىڭىزدى باعىپ-قاعىپ ءوسىردىڭىز. ولاردى وتاندى سۇيۋگە, ونى كوركەيتۋ جولىندا تالماي ەڭبەكتەنۋگە ۇيرەتتىڭىز. كوكتەمنىڭ وسىنداي تاماشا ساتىندە سىزگە شەكسىز تاعزىم مەن ءىلتيپات بىلدىرۋگە رۇقسات ەتىڭىز. شىن جۇرەكتەن مىقتى دەنساۋلىق, قاجىماس قايرات, باق-بەرەكە تىلەيمىن! جاقىندارىڭىزدان تاراعان قامقورلىق پەن سۇيىسپەنشىلىك سەزىمى ماڭگىلىك سارقىلماسىن, – دەپ تامارا دۇيسەنوۆا ىستىق لەبىزىن جەتكىزدى.
مەرەكەمەن قۇتتىقتاي كەلگەن مينيستر كەيۋاناعا گۇل شوعى مەن تەلەديداردى سىيعا تارتتى.
ورىنبەك وتەمۇرات
