ەگيپەتتە وتكەن پارا ۇستەل تەننيسىنەن Fa40 اشىق چەمپيوناتىندا قازاقستاندىق سپورتشىلار 1 كۇمىس جانە 1 قولا مەدال ەنشىلەدى, دەپ حابارلادى Elorda.info.
جارىستا ارالاس جۇپ رازريادىندا ونەر كورسەتكەن تالعات ەرەكەەۆ پەن التىناي ەرجانقىزى كۇمىس مەدالدى يەلەندى. ال جۇپتىق رازريادتاعى باسەكەدە ءالي ماقۇلبەكوۆ پەن تالعات ەرەكەەۆ قولا جۇلدەنى ەنشىلەندى.
بۇل – پاريج-2024 پاراليمپيادا ويىندارىنا قاتىسۋ ءۇشىن رەيتينگتىك جارىستاردىڭ ءبىرى. ءبىزدىڭ سپورتشىلارىمىز ءاردايىم ءوز شەبەرلىگىن شىڭداپ, كورسەتكىشتەرىن جاڭارتىپ وتىرۋ كەرەك. پارا ۇستەل تەننيسىندە رەيتينگتەرگە ۇپايلار Fa20 جانە Fa40 جارىستارىندا بەرىلەدى.
Fا40-تىڭ ەرەكشەلىگى رەيتينگكە جوعارى ۇپايلار بەرىلەدى جانە جارىسقا تەك Fa20-دا ونەر كورسەتكەن سپورتشىلار عانا قاتىسا الادى. جالپى جىل كولەمىندە Fa40 جارىستارى 5 رەت وتسە, Fa20 شامامەن 20-25 رەت وتەدى.
الداعى ناۋرىز ايىندا استانادا تۇڭعىش رەت رەيتينگتىك Fا20 اشىق چەمپيوناتى وتەدى. وعان 14 مەملەكەتتەن 135 سپورتشى قاتىسۋى جوسپارلانۋدا, – دەدى دەنە مۇمكىندىكتەرى شەكتەۋلى تۇلعالارعا ارنالعان سپورتتىق دايارلاۋ ورتالىعىنىڭ پارا ۇستەل تەننيسىنەن كوماندا باسشىسى ەرلان دۋسمايلوۆ.
ايتا كەتسەك, Fa40 چەمپيوناتى گيزا قالاسىندا ءوتتى. جارىسقا 27 ەلدەن 190 سپورتشى قاتىستى.
