ينشاللا, قوي جىلى استانالىقتار ءۇشىن قولايلى بولىپ تۇر. ەلوردا حالقىنىڭ سانى 2015 جىلعى 1 ماۋسىمداعى مالىمەت بويىنشا 861 968 ادامعا جەتتى. بۇل – رەسمي دەرەك. ال, باس قالاعا رەسپۋبليكانىڭ تۇكپىر-تۇكپىرىنەن ناپاقا ىزدەپ كەلىپ, تىركەلمەگەن باۋىرلارىمىزدى قوسساق, ءوسىم بۇدان دا جوعارى بولۋى ابدەن مۇمكىن.
قازاق بالانى جاقسى كورگەن. «ءبىر قوزى تۋسا, ءبىر ءتۇپ جۋسان ارتىق شىعادى» دەۋى سودان. سول ءداستۇرىمىزدى جالعاستىرىپ, الەۋمەتتىك-تۇرمىستىق جاعدايىمىز تۇزەلە تۇسسە, دەموگرافيالىق كورسەتكىشتەرىمىز بۇدان دا جوعارى بولارىنا سەنىم مول.
قاراپ وتىرساق, جىل باسىنان بەرى ەلوردالىقتار 9086 ادامعا, سونىڭ ىشىندە الماتى اۋدانى بويىنشا – 1002, ەسىل اۋدانى بويىنشا – 4621, سارىارقا اۋدانى بويىنشا 3463 ادامعا كوبەيگەن.
2015 جىلعى قاڭتار-مامىردا حالىقتىڭ تابيعي ءوسىمى 8530 ادامعا, كوشى-قون ءوسىمى 556 ادامعا ارتىپتى.
بيىل بەس ايدىڭ ىشىندە استانا قالاسىندا 10128 ءسابي دۇنيەگە كەلدى. بۇل وتكەن جىلدىڭ سايكەس كەزەڭىندەگى كورسەتكىشپەن سالىستىرعاندا 5,6%-عا كوپ. سونداي-اق, حالىقتىڭ تابيعي ءوسىمى دە وتكەن جىلعى قاڭتار-مامىر ايىنداعى كورسەتكىشپەن سالىستىرعاندا 4,9%-عا ارتىپ, 8530 ادامعا جەتتى.
تاڭاتار تولەۋعاليەۆ
