ۇلتتىڭ ۇلت, مەملەكەتتىڭ مەملەكەت بولىپ قالىپتاسۋىنا جەكە ادامدار جاساعان يگى ىستەردىڭ دە پايداسى بار ەكەنىن جوققا شىعارا المايمىز. حالقىمىز قولى اشىق ادامدى «اتىمتاي جومارت» دەپ اتاۋى دا تەگىن ەمەس. قازاق ءاردايىم قوسارلانىپ ايتاتىن قاسيەتتەردىڭ ءبىرىن جومارتتىق دەپ تۇسىندىرگەن. قازاق حالقىنىڭ جومارتتىعى بايى تۇرماق, كەدەيىندە دە بار. ىزگىلىكتى سەرىك ەتكەن ەل ازاماتتارىنىڭ ەڭ يگى ىستەرىنىڭ ءبىرى – كومەككە مۇقتاج جاندارعا قامقورلىق جاساپ, قولداۋ كورسەتۋ.
اڭگىمەمىزگە ارقاۋ بولىپ وتىرعان ازامات تۋرالى ايتار بولساق, بىردەن «جاقسىنىڭ جاقسىلىعىن ايت, نۇرى تاسىسىن» دەگەن قازاقتىڭ قاناتتى ءسوزى ەرىكسىز ەسكە تۇسەدى. ءسوز «G-Park» قۇرىلىس كومپانياسىنىڭ باسشىسى, نۇر-سۇلتان قالاسى ءماسليحاتىنىڭ دەپۋتاتى عابيت حاكىمۇلى ساتماعامبەتوۆ تۋرالى وربىمەك.
بەرىلەتىن ساداقاسى ادال ىسىنەن بولۋى شارت بولىپ ەسەپتەلەتىن ساۋابى مول ءىستىڭ قايىرىمى دا مول. «ساداقا – بەرەكە كىلتى», «جەتىم كورسەڭ, جەبەي ءجۇر» دەپ دانا حالقىمىز ايتقانداي, جىعىلعانعا تىرەۋ, قۇلاعانعا سۇيەۋ بولا بىلگەن بەيبىت زاماننىڭ باتىرى عابيت حاكىمۇلىنىڭ جانى جومارت ەكەندىگىن ءدۇيىم جۇرتشىلىق جاقسى بىلەدى. دەسە دە حالىق يگىلىگى ءۇشىن جاسالىپ جاتقان ماقتاۋلى ءىستى قانشا ايتسا دا ارتىق بولماس.
عابيت حاكىمۇلى 1979 جىلى 19 قاڭتاردا پاۆلودار وبلىسىندا دۇنيەگە كەلگەن. جوعارى ءبىلىمدى. بىرنەشە جوعارى وقۋ ورنىن ءتامامداپ, ءتۇرلى سالانىڭ مايتالمان مامانى اتانعان. 2000 جىلى ە.بوكەتوۆ اتىنداعى قاراعاندى مەملەكەتتىك ۋنيۆەرسيتەتىنىڭ «حالىقارالىق قۇقىق» فاكۋلتەتىن ءتامامداپ, «حالىقارالىق زاڭگەر», 2006 جىلى قازتۇتىنۋ وداعى قاراعاندى ۋنيۆەرسيتەتىنىڭ «ەكونوميكا» ماماندىعى بويىنشا, ال 2016 جىلى قاراعاندى مەملەكەتتىك تەحنيكالىق ۋنيۆەرسيتەتىنىڭ «قۇرىلىس ماتەريالدارىن, بۇيىمدارىن جانە قۇراستىرىلىمدارىن ءوندىرۋ» ماماندىعى بويىنشا ءبىتىرىپ, «تەحنيكا جانە تەحنولوگيا» باكالاۆرى اكادەميالىق دارەجەسىن العان.
عابيت ساتماعامبەتوۆ ەڭبەك جولىن 2001 جىلى قاراعاندى قالاسى ءىىب ورتالىق پب جەدەل ۋاكىل قىزمەتىنەن باستاعان. 2003-2013 جىلدارى قاراعاندى قالاسىنداعى «يۋنيكس» ادۆوكاتتىق كەڭسەسىندە ادۆوكات بولىپ جۇمىس ىستەدى. كەيىننەن ونىڭ باسشىسى بولعان. 2014 جىلى «G-Park» قۇرىلىس كومپانيالارىنىڭ توبىن ۇيىمداستىردى.
جاس كەزىنەن اۋىرتپاشىلىق پەن سوقپاعى كوپ تارام-تارام ءومىر جولدارىنان شيراتىلىپ وسكەن عابيت حاكىمۇلى – بويىنا ءبىلىم ءنارى مەن ادامگەرشىلىك سەزىمدەرىن تەرەڭ سىڭىرگەن تاۋەلسىز ەلدىڭ ۇلانى.
قازىرگى ۋاقىتتا وندىرىستىك قۋاتى جىلىنا 120 ميلليون دانا كەراميكالىق كىرپىش شىعاراتىن كىرپىش زاۋىتىنىڭ قۇرىلىسى تولىق قارقىنمەن ءساتتى باستالدى. سونداي-اق نەمىس سەرىكتەستەرىمەن جاسالعان كەلىسىمشارتقا سايكەس, تەمىربەتون بۇيىمدارى زاۋىتىنىڭ قۇرىلىسى باستاۋ الدى.
عابيت حاكىمۇلى ساتماعامبەتوۆتىڭ وسسەم, ونسەم دەگەن ومىرلىك ۇستانىمى ءاليحان بوكەيحاننىڭ «ءتىرى بولسام, قازاققا قىزمەت قىلماي قويمايمىن» دەگەن ۇلاعاتتى سوزىنە سايادى دەسەك قاتەلەسپەيمىز. جۇگىنگەنگە ءجون ءسوز ايتىپ, جان جىلۋىمەن بىرگە جومارت قولىن سوزا بىلگەن عابەكەڭ – وسى ۋاقىتقا دەيىن تالاي جومارتتىق جاساپ جۇرگەن جان.
ءۇش جىل بۇرىن ءوزىنىڭ قايىرىمدىلىق قورىن قۇرىپ, وسى ۋاقىتقا دەيىن ءتۇرلى قيىندىقتارعا تاپ بولعان 3 مىڭنان اسا قازاقستاندىقتارعا ءتۇرلى دەڭگەيدە كومەك بەرگەن. اتاپ ايتار بولساق, وسى ۋاقىت ىشىندە كوپبالالى, وتباسىندا مۇمكىندىگى شەكتەۋلى بالالارى بار 200 وتباسىعا پاتەر كىلتىن بەرگەن. سونىمەن قاتار الەۋمەتتىك از قامتىلعان ازاماتتار مەن زەينەتكەرلەرگە ازىق-تۇلىك سەبەتتەرى مەن ەرەكشە قاجەتتىلىگى بار بالالارعا سپورتتىق جابدىقتاردى تاراتۋ شاراسىن ۇدايى ۇيىمداستىرادى.
قارتتار ۇيلەرىنىڭ, ەستۋ قابىلەتى تومەن جانە مۇگەدەكتەر قوعامىنىڭ پاتروناجىن باسقارادى, مۇمكىندىكتەرى شەكتەۋلى بالالاردى وڭالتۋ كۋرستارىندا ەمدەۋگە جالپى سوماسى 100 ميلليون تەڭگەدەن اسا قاراجات بولگەن. ارىس قالاسىندا زارداپ شەككەندەرگە ءۇي سالۋعا 50 ميلليون تەڭگەدەن استام قاراجات بەرگەن. بيىلدىڭ وزىندە از قامتىلعان وتباسىلارداعى مەكتەپكە باراتىن 450 بالاعا ريۋكزاكتار مەن كەڭسە زاتتارىن تابىستادى.
بالالىق شاعى ەلىمىزدىڭ تاۋەلسىزدىگىن العان كەزبەن تۇسپا-تۇس كەلگەن ۋاقىتتان باستاپ وتانىنا ادال قىزمەت ەتۋدى باستى ماقسات تۇتقان عابيت حاكىمۇلى بۇگىندە بالا ارمانىن ىسكە اسىرىپ, ەل بولاشاعى جولىندا تىنىم تاپپاي ەڭبەكتەنىپ كەلەدى.
تاۋەلسىزدىگىمىزدىڭ 30 جىلدىق مەرەيلى مەرەكەسى قارساڭىندا ۇزەڭگىلەس ارىپتەستەرىنە ىسىمەن ۇلگى, جاستارعا ونەگە بولا الاتىن كەيىپكەرىمىز قانداي دا بولماسىن قۇرمەتكە يە جان. ادامگەرشىلىك قاسيەتتى بيىك ۇستاپ, جانى جارالى جاننىڭ جاسىن ءسۇرتىپ, جىلى لەبىزىن اياماي, قولدان كەلگەن كومەگىن كورسەتىپ جۇرگەن عابيت حاكىمۇلى ساتماعامبەتوۆتى «جۇرەگى التىن» جان دەپ نىق سەنىممەن ايتۋعا بولادى.
عابيت ساتماعامبەتوۆ – قايىرىمدىلىقتى الەۋمەتتىك جاۋاپكەرشىلىكپەن ساباقتاستىرعان ازامات, ءوزىنىڭ جەكە قايىرىمدىلىق قورى بار ساناۋلى ادامداردىڭ ءبىرى.
– ادامدارعا كومەكتەسۋ – تەرەڭ تىنىس الۋمەن بىردەي سەزىم. بۇل الەمدە كوپتەگەن ادامدار كومەك پەن قولداۋدى قاجەت ەتەدى. ءبىز مۇقتاج ادامدارعا جانە ولارعا كومەكتەسكىسى كەلەتىندەرگە اشىقپىز, – دەيدى عابيت حاكىمۇلى.
قوردىڭ مىڭداعان ادرەساتى قازىردىڭ وزىندە پاتەرلەرمەن قوسا, ۇلكەن كومەككە يە بولدى. سوزىمىزگە ءبىر دالەل رەتىندە ءومىردىڭ تاۋقىمەتىن تارتقان, بارار جەر, باسار تاۋى قالماعان جەتى بالانىڭ اناسى ساندەن قۇربانباەۆاعا جاساعان جاقسىلىقتى اتاپ وتسەك ارتىق بولماس. كوپ قيىندىق كورگەن 46 جاستاعى ايەل – كوپبالالى, جالعىزباستى انا. ءبىر بالاسىنىڭ مۇمكىندىگى شەكتەۋلى, ۇلكەن ەكى بالاسى قۇرىلىستا قاراپايىم جۇمىسشى بولىپ جۇمىس ىستەيتىن, قالعان بالالارى مەكتەپتە وقيتىن انانىڭ باستى ارمانى باسپانالى بولۋ بولاتىن. ول 2016 جىلى مەملەكەتتىك تۇرعىن ءۇي كەزەگىنە جالعىزباستى انا رەتىندە, 2019 جىلى كوپبالالى انا رەتىندە تىركەلگەن. وسى جىلدار بويى ول ءوز كەزەگىن ۇمىتپەن كۇتتى, بىراق ماسەلە شەشىلمەدى. اپكەسىنىڭ بالا-شاعاسىمەن قوسقاندا 13 ادام كىشكەنتاي تەمىر كونتەينەردە تۇردى. ازاماتشانىڭ باسپانالى بولۋى تۋرالى ءوتىنىشى ءۇي ماسەلەسىنىڭ جالپى كوميسسيا شەگىندە قاراستىرىلعان وزەكتى پروبلەمالار قاتارىندا بولاتىن. كوپبالالى انانىڭ باسپانامەن قامتاماسىز ەتۋگە اڭگىمەمىزدىڭ باس كەيىپكەرى ءوزى نيەت ءبىلدىرىپ, قول ۇشىن سوزدى.
عابيت حاكىمۇلى ساتماعامبەتوۆ «التىن القا» يەگەرىنە «Bronx» تۇرعىن ءۇي كەشەنىنەن ءتورت بولمەلى پاتەر مەن 3 000 000 تەڭگە كولەمىندە العاشقى ءۇي جوندەۋگە ارنالعان سەرتيفيكاتتى كومەك رەتىندە سىيلايدى. باقىتتان باسى اينالعان انا بۇل قۋانىشقا العاشىندا سەنەر-سەنبەسىن بىلمەي, ابدىراپ قالسا دا, كەيىن كوزىنە جاس الىپ, شەكسىز ريزاشىلىعىن بىلدىرگەن.
مۇنداي جاعدايدا جۇرگەن قانشا جان بار. تاعدىر تاۋقىمەتى مەن ءومىردىڭ اۋىر تالكەگىنە ۇشىراعان انالار مەن وتباسىلارعا جاردەم بەرىپ, دەمەۋ كورسەتكەن تۇلعا, قۋانىشتان كوزىنە جاس العان جاندارعا تەك كەلەشەكتە بار جاقسىلىقتى تىلەي وتىرىپ, جاعدايلارىنىڭ تۇزەلىپ كەتۋلەرىنە سەبەپشى.
عابيت حاكىمۇلى قالامىزدىڭ الەۋمەتتىك-ەكونوميكالىق ىلگەرىلەۋىنە دە اتسالىسىپ كەلەدى. بيىل 10 قاڭتاردا وتكەن سايلاۋدىڭ ناتيجەسى بويىنشا نۇر-سۇلتان قالالىق ءماسليحاتىنىڭ VII شاقىرىلىمىنا Nur Otan پارتياسى اتىنان دەپۋتات بولىپ سايلاندى. ماسليحاتتاعى القا بوپ شەشىلەتىن قۇرىلىس, ەكولوگيا, كولىك, ساۋدا جانە تۇرعىن ءۇي-كوممۋنالدىق شارۋاشىلىق ماسەلەلەرى جونىندەگى تۇراقتى كوميسسيا توراعاسىنىڭ ورىنباسارى رەتىندە دە كۇرمەۋى قيىن ماسەلەلەردى شەشۋدە سۇبەلى ۇلەسىن قوسىپ كەلەدى. قۇرىلىس سالاسىنىڭ بىلىكتى مامانى رەتىندە قالانىڭ اسەم دە كوز تارتار عيماراتتارىنىڭ بوي كوتەرۋىنە اتسالىسىپ ءجۇر.
Nur Otan پارتياسىنىڭ 2025 جىلعا دەيىنگى «وزگەرىستەر جولى: ءار ازاماتقا لايىقتى ءومىر!» اتتى سايلاۋالدى باعدارلاماسىن ىسكە اسىرۋ ءۇشىن جاسالعان «جول كارتاسىنداعى» ەلوردامىزدىڭ تۇرعىن الاپتارىن دامىتۋ بويىنشا ءوزىنىڭ تىڭ ويلارىن ورتاعا سالىپ, قالا تۇرعىندارىنا جايلى جاعداي جاساۋ ماسەلەسى دە عابەكەڭنىڭ كۇن تارتىبىنەن تۇسكەن ەمەس.
عابەكەڭنىڭ سۇيىكتى ءىسىنىڭ ءبىرى – الەمدى ارالاۋ. «اتىڭ باردا جەر تانى جەلىپ ءجۇرىپ, اسىڭ باردا ەل تانى بەرىپ ءجۇرىپ» دەمەكشى, باس كەيىپكەرىمىز سان قىرلى تاڭعاجايىپ تۇلعا, ءوزىنىڭ دۇنيەتانىمىن ۇنەمى كەڭەيتىپ, بايىتىپ وتىرادى. جيھانكەز الەمنىڭ 70-كە جۋىق الىس ەكزوتيكالىق ەلدەرىندە بولدى.
بۇل ساپارلاردىڭ ناتيجەسى مەن پايداسى زور ەكەنىن اتاپ وتۋىمىزگە بولادى. سەبەبى عابيت حاكىمۇلى شەتەلدىك ىسكەرلىك سەرىكتەستەرىمەن كەزدەسىپ, ينكليۋزيۆتى قالالىق كەڭىستىك قۇرۋعا باعىتتالعان قۇرىلىستى رەتتەۋدىڭ شەتەلدىك تاجىريبەسىمەن تانىسىپ, ولاردىڭ يننوۆاتسيالىق تەحنولوگيالارى مەن تاجىريبەسىن ەلىمىزدە, ياعني قۇرىلىس جوبالارىندا قولدانادى.
ءبىزدىڭ كەيىپكەرىمىزدىڭ الداعى ۋاقىتتا كوپتەگەن كەرەمەت جانە باتىل جوبالارى بار. عابيت حاكىمۇلى ءوز ۋاقىتىنىڭ ءار سەكۋندىن باعالايدى. ونىڭ جۇمىس كۇنى وتە تىعىز بولعانمەن, وراسان زور ەڭبەگى مىڭداعان ادامدارعا پايداسى تيەتىن عاجاپ جانعا تاڭدانۋ كەرەك.
قازىرگى ۋاقىتتا وندىرىستىك قۋاتى جىلىنا 120 ميلليون دانا كەراميكالىق كىرپىش شىعاراتىن كىرپىش زاۋىتىنىڭ قۇرىلىسى تولىق قارقىنمەن ءساتتى باستالدى. سونداي-اق نەمىس سەرىكتەستەرىمەن جاسالعان كەلىسىمشارتقا سايكەس, تەمىربەتون بۇيىمدارى زاۋىتىنىڭ قۇرىلىسى باستاۋ الدى. سونىڭ ارقاسىندا ەلىمىزدە ەۋروپالىق ساپاداعى قۇرىلىس ماتەريالدارىنىڭ وزىندىك ءوندىرىسى قۇرىلادى.
ءاربىر جەكە جوبا – ايماقتىڭ ينفراقۇرىلىمىن دامىتۋعا, جەكە ينۆەستيتسيالاردى تارتۋعا قوسقان ۇلەسى عانا ەمەس, سونىمەن قاتار جاڭا جۇمىس ورىندارىنىڭ اشىلۋى. وسى جوبالاردى ىسكە اسىرۋدىڭ ارقاسىندا ەلىمىزدىڭ قۇرىلىس سالاسىنداعى يمپورتتى الماستىرۋ باعىتى ودان ءارى دامي تۇسەدى.
ەرتە زاماننان باستاپ بۇگىنگە دەيىن قازاق حالقى بالا تاربيەسىنە ەرەكشە ءمان بەرگەن. بالانىڭ دۇنيەگە كەلۋى – ۇلكەن قۋانىش جانە ءارتۇرلى سالت-داستۇرمەن, ىرىمدارمەن بىرگە جۇرگەن. قازاق حالقىنىڭ اراسىندا ماڭىزدى راسىمدەردىڭ بىرىنە تۇساۋكەسەر جاتادى. بۇل – بولاشاقتا ءومىر جولى جەڭىل, جارقىن جانە باقىتتى تاعدىر كۇتىپ تۇرۋى ءۇشىن بالانىڭ اياعىنداعى الا ءجىپتى كەسىپ, العاشقى قادامدارىنا ءتانتى بولۋ.
عابيت حاكىمۇلىنا كوپتەگەن دوستارى, تانىستارى جانە بەيتانىس ادامدار نۇر-سۇلتان قالاسىنا باسقا قالالاردان ارنايى كەلىپ, ءوز بالاپاندارىنا «تۇساۋ كەسۋ» ءراسىمىن وتكىزەدى. ولار بۇل ماڭىزدى جانە جاۋاپتى ميسسيانى, بالانىڭ باۋىن كەسۋدى عابيت حاكىمۇلىنا سەنىپ تاپسىرادى. ويتكەنى ءبىزدىڭ باس كەيىپكەرىمىز – تابىستى, ىسكەر, جىگەرلى, مەيىرىمدى, ەڭ جاعىمدى قاسيەتتەرى مەن ۇلكەن ومىرلىك جەتىستىكتەرى بار ادام. بالانىڭ اتا-اناسى مەن تۋىس-جەكجاتتارى نارەستەنىڭ بولاشاق جولى دا سولاي باقىتتى بولاتىنىنا سەنىپ, كەيىپكەرىمىزگە ۇقساس بولۋ ءۇشىن ىرىمداپ كەلەدى.
عابيت حاكىمۇلى ومىردە جوعارى بىلىكتى مامان, مەنەدجەر جانە قوعام بەلسەندىسى رەتىندە عانا ەمەس, سونىمەن قاتار ۇلگىلى وتاعاسى مەن قامقور اكە رەتىندە دە ورنى ەرەكشە. باتىل, مىقتى, مەيىرىمدى, قامقور, مۇقيات ول ەكى ۇلى مەن سۇيىكتى قىزى ءۇشىن جانىن بەرۋگە دايىن. قاناتى مىقتى بۇركىت ءتارىزدى ول ءوسىپ كەلە جاتقان بالاپاندارىن قورعايدى. ولار – ونىڭ ماحابباتى مەن ماقتانىشى, ونىڭ جالعاسى.
«بايلىق مۇرات ەمەس, جوقتىق ۇيات ەمەس» دەيتىن قازاق حالقىنىڭ ەجەلدەن كەلە جاتقان ماقالىنىڭ استارىنا ءمان بەرىپ ۇڭىلسەك, بايلىقتى مۇرات رەتىندە ساناماعان, ونى تەك باسقالارعا كومەك قولىن سوزاتىن مۇمكىندىك ەسەبىندە كورەتىن ەرەكشە تۇلعانىڭ ءبىرى – عابيت حاكىمۇلى ساتماعامبەتوۆ.
«ءوز ەلى ءوز ەرلەرىن ەسكەرمەسە, ەل تەگى السىن قايدان كەمەڭگەردى» دەپ اقيىق اقىن ءىلياس جانسۇگىروۆ جىرلاعانداي, ءبىزدىڭ ماقساتىمىز – وسىنداي يگى ىستەردى, جاقسىلىقتى جاريا ەتۋ.
عابيت حاكىمۇلى ساتماعامبەتوۆتىڭ يگى ىستەرى جالعاسۋدا, الدا ءالى تالاي اتقارىلاتىن ءىس تۇر. ءبىز عابەكەڭە ساتتىلىك تىلەيمىز!
ەربولات يساقوۆ,
Nur Otan پارتياسى نۇر-سۇلتان قالاسى ەسىل اۋداندىق
فيليالى توراعاسىنىڭ ءبىرىنشى ورىنباسارى