استانانىڭ كوممۋنالدىق قىزمەتتەرى الداعى جىلىتۋ ماۋسىمىنا دايىن

استانا اكىمى اسەت يسەكەشەۆ قالالىق كوممۋنالدىق كاسىپورىندار باسشىلارىنىڭ, اۋدان اكىمدەرىنىڭ, ءبىلىم, دەنساۋلىق ساقتاۋ, مادەنيەت جانە سپورت باسقارمالارىنىڭ الداعى جىلىتۋ ماۋسىمىنا دايىندىق ماسەلەلەرى بويىنشا ەسەپتەرىن تىڭدادى.

«تەپلوترانزيت» اق مالىمەتىنشە, قالالىق دەنساۋلىق ساقتاۋ, ءبىلىم جانە مادەنيەت نىساندارى 100%, تۇرعىن ءۇي قورى 97%-عا دايىن.

«الماتى» اۋدانىنداعى 1070 ءۇيدىڭ 1050-ءى نەمەسە جالپى سانىنىڭ 98% دايىن. «ەسىل» اۋدانىنداعى 258 ءۇيدىڭ 239-ىندا (93%) دايىندىق جۇمىستارى اياقتالدى, «سارىارقا» اۋدانىندا 927 ءۇيدىڭ 914-ءى (99%) قىسقا دايىن.

ەلوردانىڭ ءۇش اۋدانىنداعى قالعان ۇيلەردە تۇرعىنداردىڭ ىقىلاسسىزدىعىنان, سونداي-اق, ماقساتتى قارجىنى جيناۋ قارقىنىنىڭ تومەندىگىنەن جۇمىستار كەستەدەن كەشىكتىرىلىپ جاتىر. «استانا تەپلوترانزيت» اق جانە «استانا قالاسىنىڭ تۇرعىن ءۇي ينسپەكتسياسى باسقارماسى» مم بىرلەسىپ وسى نىساندار بويىنشا جينالىستار وتكىزىپ, تۇرعىندارعا جىلۋ توراپتارىن جوندەۋگە ماقساتتى قارجى جيناۋ قاجەتتىلىگى تۋرالى تۇسىندىرۋدە.

ەلوردانىڭ تىرشىلىكتى قامتاماسىز ەتۋ نىساندارىنىڭ نەگىزگى جانە قوسالقى جابدىقتارىن جوندەۋ بەكىتىلگەن كەستەگە ساي جۇرگىزىلىپ جاتىر. بۇگىنگى تاڭدا «استانا – ەنەرگيا» اق – 95%, «استانا – تەپلوترانزيت» اق – 92%, «استانا – رەك» اق – 80,8%, اۋداندىق قازاندىقتار – 100% دايىن.

ايتا كەتەيىك, جىلىتۋ ماۋسىمىنا دەيىن ەنەرگيا قۋاتى كوزدەرىندە وتىننىڭ 20 تاۋلىكتىك نورماتيۆتىك قورى جاسالادى.

سونىمەن قاتار, بيىلعى جىلدىڭ ءار ايعا بولىنگەن كومىر جەتكىزۋ كەستەسى بەكىتىلدى.

كاسىپورىنداردىڭ 2016-2017 جج. جىلىتۋ ماۋسىمىنا دايىندىق تولقۇجاتتارى جوندەۋ كامپانياسى اياقتالعان سوڭ ءۇ.ج. 1 قازانىنا دەيىن بەرىلەدى.

وتىرىس قورىتىندىسى بويىنشا اسەت يسەكەشەۆ جاۋاپتى تۇلعالارعا بارلىق قالالىق نىسانداردى جىلىتۋ ماۋسىمىنا دايىنداۋدى ۋاقىتىلى اياقتاۋدى جانە 1 قازاندا بالاباقشالارعا, مەكتەپتەرگە, اۋرۋحانالارعا جىلۋ بەرۋدى تاپسىردى. قالعان نىسانداردى, سونىڭ ىشىندە تۇرعىن ۇيلەردى جىلۋمەن جابدىقتاۋ اۋا رايىنىڭ وزگەرۋىنە (اۋا تەمپەراتۋراسىنىڭ تومەندەۋى) بايلانىستى بولادى.

astana.gov.kz