ءبىراز جىل بۇرىن «ايەلدەن اقىن شىقپايدى, كۇيشى نە ءبيشى بولماسا» دەپ كەسىپ ايتقان كورنەكتى اقىن ەسەنعالي راۋشانوۆقا قارسى ءۋاجدى الدىمەن جانات اسكەربەكقىزىنىڭ جىرىنان جولىقتىردىق. جانات جالعىز ەمەس ەكەن, اپاسىن اسىلزات ارىستانبەك قوستايدى.
ءبيشى بولا المادىم,
كۇيشى بولۋ كەلمەيدى ەكەن قولىمنان.
اقىن بولدىم,
ول دا – سورىم, ارتىق تۋسام كوپ
ۇلدان, – دەيدى اسىلزات.
دەي الماسسىڭ: اقىن ەمەس, ەلەسسىڭ,
ويتكەنى مەن
اقۇشتاپ تا, فاريزا دا ەمەسپىن, – دەپ ءارى قاراي پوەزيادا ءوزىنىڭ سوقپاعى بار ەكەنىن اڭعارتادى.
راس, اسىلزات – اقىن. الايدا العاش ونى جۋرناليست رەتىندە تانىدىق. ول «مىرزا» گازەتىنىڭ وتىمەن كىرىپ, كۇلىمەن شىعىپ جۇرگەندە سول باسىلىمنىڭ وقىرمانى بولدىق. ال قولىمىزعا «بەسىنشى ماۋسىم» اتتى تۇڭعىش جىر جيناعى تيگەندە, ولەڭدە ەركىن كوسىلەتىنىنە تاڭعالدىق. ءبىز عانا ەمەس, سول كەزدە قاسىمىزدا بولعان اقىن رۋسلان نۇربايدىڭ تامسانعانى ەسىمىزدە.الدىمەن ونىڭ قازاق ءتىلىنىڭ كاۋسارىنان قانىپ ىشكەنى بايقالادى.
ماسەلەن,
الپىس ىنگەندى زارىنا ءيىتىپ,
الپىس ەكى تامىرىن ۇيىتىپ,
توعىز اي, توعىز كۇن كوتەرىپ,
تولعاتىپ,
تابالدىرىعىندا تۇرىپ
توزاقتىڭ,
دۇنيەنىڭ ەسىگىن اشقان قازاقپىن!.. – دەپ ءباز-باياعى جىراۋلارشا تولعايدى. وسىنداي ولەڭدەرى از ەمەس. اسىرەسە, قازاقتىڭ سوڭعى حانىنا ارنالعان «باس», «كەنەسارىنىڭ ارۋاعىنا مۇڭ شاعۋ», «كەنەسارى جانە مەن» اتتى تسيكل ولەڭدەرىندە جانە «اتا» ۇعىمى تۋرالى اق ولەڭ», «قاس ساق استاناسى تۋرالى ءافسانا» جىرلارى اقىننىڭ ەپيكالىق قۇلاشىنىڭ كەڭدىگىمەن ەرەكشەلەنەدى. ەڭ باستىسى, بۇل ولەڭدەرىندە ۇلى دالا پەرزەنتىنىڭ ۇلى رۋحى اتويلايدى. اقىن جىرىنداعى بۇرىنعى زامان بۇگىنگى قوعامنىڭ كورىنىسىمەن استاسىپ جاتادى. اسىلزات ارىستانبەك كەشە كىم ەدىك, بۇگىن كىم بولدىق دەگەن سۇراقتارعا ءوز جاۋاپتارىن ۇسىنادى.
21 شىلدە كۇنى ساعات 19.30-دا «جاستار» سارايىندا اقىن اسىلزات ارىستانبەكتىڭ «ءسىز عانا» اتتى شىعارماشىلىق كەشى وتەدى
…قۇدالارى قۇدايدىڭ قاھارىنان
قورىققان,
قىزىن بەرسە ەكى ەلدى ايرىلماستاي
ەتەتىن.
تازىلارىن جۇگىرتسە تاۋدىڭ ءتىلىن
ۇعاتىن,
توماعاسىن سىپىرسا قۇسى بىلگەن مۇراتىن… بۇل – اقىن ۇعىمىنداعى بۇرىنعى قازاق.
…كۇللى الەمدى اياداي استاناعا
سىيدىرعان,
كۇشتىلەردىڭ ءمۇسىنىن قورعاسىننان
قۇيدىرعان,
كەرىك مويىن كراندار كۇن كىرپىگىن
سۇيەتىن,
كۇمبەزدەرى جالتىراپ كۇمىس
شاپان كيەتىن.
ەسىل جاقتان ەسكەن جەل ەسىڭىزدەن
تاندىرعان,
ەڭ اياعى ەرىنبەي «پيراميدا»
سالدىرعان.
«بايتەرەگى» بيىكتەپ بارا
جاتقان سياقتى,
بەيكۇناداي بالبىراپ قالا جاتقان سياقتى… بۇل – بۇگىنگى استانانىڭ كورىنىسى. ال اقىننىڭ ليريكالىق جىرلارىن وقىعاندا بەينە ءبىر ەرتەگى الەمىنە ەنگەندەي بولاسىزدار. «كۇمىس كولدەن ويىلعان» ولەڭى سونداي ەرتەگىگە جەتەلەيدى.
تۇنەك بولىپ تۇنشىقتىرسىن تاڭعى اسپان,
باقىر باستى ءبىر-اق اتسىن الداسپان.
حالىق بىتكەن بەتىمە كەپ تۇكىرسىن,
اقىندىق پەن اردى ساتىپ الجاسسام! اقىننىڭ وزىنە بەرگەن سەرتى وسى.
امانعالي قالجانوۆ
اسىلزات ارىستانبەك ولەن جونيندە وتە باحىتتى جان. تالانتتى, اكىندىكتى كۋداي وگان بەرگەن. ولەندەرين, ول جونيندەگي ماكالالاردى كالدىرماي وكىيمىن.ولەن- كوسىك ادامنىن كەۋيل جۋبانىشىگوي! وزيندي ولەن جازىپ الداستىرىپ جاساماسان ومير كىيىن كەشەدي دەپ ويلايمىن.