اتا زاڭنان ارنا العان
اتا زاڭ – ەلىمىزدىڭ باستى قۇجاتى, تاۋەلسىزدىگىمىزدىڭ تىرەگى. وسىناۋ زاڭ قابىلدانعاننان بەرى ەلىمىزدە تالاي جۇيەلى ءوزگەرىس ورىن الدى. سونىڭ ىشىندە ەلوردامىز الاتاۋ باۋرايىنان سارىارقا تورىنە قونىس اۋداردى. ال 20 جىل ىشىندە باس قالادا قارقىندى قۇرىلىس ءجۇرگىزىلىپ, استانا ادام تانىماستاي وزگەرىپ, الەمدەگى ادەمى شاھارلاردىڭ بىرىنە اينالدى.
جالپى, «كونستيتۋتسيا» ءسوزى لاتىن تىلىنەن اۋدارعاندا «قۇرىلىس» دەگەن ماعىنانى ءبىلدىرەدى. بۇل تۇرعىدا استانانى سالۋ جانە دامىتۋ جۇمىستارى وسى باستى قۇجات اياسىندا ءجۇزەگە اسىرىلۋدا.
قۇرىلىسى قارقىندى قالانىڭ دامۋى 2007 جىلدان باستاپ «استانا باس جوسپارى» عىلىمي-زەرتتەۋ جوبالاۋ ينستيتۋتىنىڭ شىعارماشىلىق ۇجىمى ازىرلەگەن جاڭا تۇجىرىمدامالىق جوسپار بويىنشا جۇرگىزىلدى. وسى ۋاقىتتا تۇرعىن ءۇي جانە ازاماتتىق قۇرىلىس سالاسىنداعى اعىمداعى جاعدايدى تالداۋ, قالانىڭ اۋماعىندا كەستە بويىنشا قىزمەت كورسەتۋ جوسپارىنا جەدەل مونيتورينگ جۇرگىزۋ سياقتى ءبىرقاتار ماسەلەلەر شەشىمىن تاپتى. پرەزيدەنتتىڭ جارلىعى بويىنشا استانانىڭ 2030 جىلعا دەيىنگى دامۋى جونىندەگى باس جوسپارىنا وزگەرىستەر ەنگىزىلىپ, 2009 جىلدىڭ 28 قاڭتارىندا بەكىتىلدى. ونىڭ ءبىرىنشى كەزەڭى 2008-2011 جىلدار ارالىعىندا بولعاندىقتان, 2011 جىلدىڭ 30 شىلدەسىندە باس جوسپارعا ءوزگەرىستەر مەن تولىقتىرۋلار ەنگىزىلىپ, وندا قالا قۇرىلىسىنىڭ نەگىزگى قاعيداتتارى كورسەتىلدى. سودان «ەكسپو-2017» كورمەسىن وتكىزۋ جونىندەگى 2013-2018 جىلدارعا ارنالعان ءىس-شارالار جوسپارىنىڭ 47-تارماعىنا سايكەس, باس جوسپارعا تاعى دا ءتيىستى وزگەرىستەر مەن تولىقتىرۋلار ەنگىزىلىپ, ول 2016 جىلدىڭ 23 جەلتوقسانىندا بەكىتىلدى. باس جوسپار بويىنشا 2030 جىلعا قاراي استانادا 1 ميلليون 200 مىڭ حالىق تۇرادى دەگەن بولجام بار. وسىعان وراي قالاداعى تۇرعىن ءۇي قۇرىلىسىنىڭ دامۋى, ينجەنەرلىك جانە كولىك ينفراقۇرىلىمىن دامىتۋ جۇمىستارى جۇرگىزىلەتىن بولادى. ايتا كەتۋ كەرەك, باس جوسپاردا كونستيتۋتسيالىق نورمالار قاتاڭ ساقتالادى.
ەلباسىمىز ءبىر سوزىندە: «ءبىزدىڭ باستى پارىزىمىز – كونستيتۋتسياعا ۇقىپتى قاراپ, ءوز ەلىمىزدى, تاريحىمىزدى قالاي قۇرمەتتەسەك, ونى دا سولاي قۇرمەتتەۋىمىز قاجەت» دەيدى. ياعني, تاۋەلسىز ەلدىڭ مىزعىماس تۇعىرىنا اينالعان اتا زاڭ – ەلدىكتىڭ كيەلى كىتابى ىسپەتتى قاستەرلى قۇجات. كونستيتۋتسيا – قازاق مەملەكەتىنىڭ دامىلسىز دامۋىنا, ۇزدىكسىز وسۋىنە كەپىل بولعان بارشا زاڭدارىنىڭ قاينار كوزى, باستاۋ بۇلاعى, ءومىرىمىزدىڭ, تىنىس-تىرشىلىگىمىزدىڭ ەل-جۇرت بولىپ بىرىگىپ, مەملەكەت قۇرۋىمىزدىڭ ايعاعى. ەلوردالىقتاردى وسىناۋ ەلدىك مەرەكە, كونستيتۋتسيا كۇنىمەن شىن جۇرەكتەن قۇتتىقتايمىن! بارشاڭىزعا مىقتى دەنساۋلىق, وتباسىلارىڭىزعا بەرەكە, باقىت تىلەيمىن! استانامىز ودان ءارى كوركەيە بەرسىن! ەلىمىزدىڭ ازاتتىعى ماڭگىلىك بولسىن!
سارسەمبەك ءجۇنىسوۆ,
«استانا باس جوسپارى»
عزجي» جشس ديرەكتورى