ەل تاۋەلسىزدىگىنىڭ 30 جىلدىعىنا وراي نۇر-سۇلتان قالاسىنىڭ مەملەكەتتىك مۇراعاتى اتىراۋ وبلىسىنىڭ مەملەكەتتىك مۇراعاتىمەن بىرلەسىپ «اتىراۋ تاۋەلسىزدىك جىلدارىندا» جانە «قالا تاريحى استانا مۇراعاتىنىڭ فوتوقۇجاتتارىندا» اتتى كوشپەلى كورمەلەر ۇيىمداستىردى.
قر تاۋەلسىزدىگىنىڭ 30 جىلدىعىن مەرەكەلەۋ اياسىندا نۇر-سۇلتان قالاسىنىڭ مەملەكەتتىك ارحيۆىندە العاش رەت اتىراۋ وبلىسى مەملەكەتتىك ءارحيۆىنىڭ قورلارىنان بىرەگەي قۇجاتتار مەن فوتوماتەريالدار ۇسىنىلدى. ەكسپوزيتسيادا قالانىڭ قۇرىلعان ساتىنەن باستاپ بۇگىنگى كۇنگە دەيىنگى قالىپتاسۋ تاريحىن قامتيتىن اسا قۇندى قۇجاتتار ۇسىنىلعان. كورمە بەلگىلى ولكەتانۋشىلار مەن مۇراعات سەرىكتەستەرىنىڭ جەكە قورلارىنان الىنعان ماتەريالدارعا نەگىزدەلگەن.
ءىس-شارا قاتىسۋشىلارىنا نۇر-سۇلتان قالاسىنىڭ تىلدەردى دامىتۋ جانە ارحيۆ ءىسى باسقارماسىنىڭ باسشىسى ساكەن ەسىركەپ قۇتتىقتاۋ ءسوز سويلەدى. كورمەنىڭ اشىلۋى بارىسىندا «نۇر-سۇلتان قالاسىنىڭ مەملەكەتتىك مۇراعاتىنىڭ اسا قۇندى قۇجاتتار توپتاماسىنان» بەينەجازبا كورسەتىلدى. ءىس-شاراعا وڭىرلىك مۇراعاتتار وكىلدەرى, قوعام قايراتكەرلەرى, جوو وقىتۋشىلارى مەن ستۋدەنتتەرى, قالا قوناقتارى, باق وكىلدەرى قاتىستى. اتىراۋ وبلىسىنىڭ مەملەكەتتىك مۇراعاتىمەن ودان ءارى بىرلەسىپ جۇمىس ىستەۋ ءۇشىن عىلىمي-پراكتيكالىق سەمينارمەن اياقتالعان مەموراندۋمعا قول قويىلدى. بولاشاقتا وسىنداي ءىس-شارا باسقا وڭىرلەردە دە جالعاسپاق.
