ەلوردالىق «پريگورودنىي» تۇرعىن الابىندا ارداگەرلەرگە ارنالعان ورتالىقپەن بىرىكتىرىلگەن InterPro جاڭا اۋلا كلۋبى اشىلدى.
اۋلا كلۋبىنىڭ اشىلۋىنا ەسىل اۋدانىنىڭ اكىمى بەرىك جاكەنوۆ, نۇر-سۇلتان قالاسىنىڭ جاستار ساياساتى ماسەلەلەرى باسقارماسىنىڭ باسشىسى قايرات قامباروۆ, قالالىق ءماسليحاتتىڭ دەپۋتاتى عابيت ءتاجىمۇراتوۆ قاتىستى.
– اۋلا كلۋبتارى وسكەلەڭ ۇرپاق ءۇشىن تارتىمدى ورتالىق بولىپ تابىلادى. مۇندا بالالاردىڭ اعىلشىن ءتىلى, حورەوگرافيا, شاحمات كۋرستارى جۇمىس ىستەيدى. بالالار بۇگىنگى تاڭدا ءبىزدىڭ كلۋبتاردا جۇمىس ىستەي وتىرىپ, جەتىستىككە جەتىپ, ءوز قابىلەتتەرىن اشادى. اۋلا كلۋبىنىڭ اشىلۋىنا باستاماشى بولعان تۇرار جۇبانىشقىزىنا جەكە العىسىمدى بىلدىرگىم كەلەدى. وسى مۇمكىندىكتى پايدالانا وتىرىپ, سىزدەرگە زور دەنساۋلىق, وتباسىلارىڭىزعا اماندىق جانە كاسىبي ءوسۋ تىلەيمىن!, – دەدى بەرىك جاكەنوۆ.
– بۇگىن قازاقستان تاۋەلسىزدىگىنىڭ 30 جىلدىعى قارساڭىندا تاعى ءبىر اۋلا كلۋبىن اشىپ وتىرمىز. اۋلا كلۋبتارىنىڭ ەرەكشەلىگى – ولار بالالار مەن جاستارعا عانا ەمەس, قارت ادامدارعا دا ارنالعان. ءبىز حالقىمىزدىڭ بارلىق توپتارىنا نازار اۋدارۋىمىز كەرەك. وسىلايشا ءبىز جاستاردى اعا بۋىنمەن بىرىكتىرەمىز, – دەپ اتاپ ءوتتى قايرات قامباروۆ.
Aspan دەنە شىنىقتىرۋ-ساۋىقتىرۋ كەشەنىنىڭ ءبىرىنشى قاباتىندا بالالارعا اعىلشىن ءتىلىن, حورەوگرافيانى, شاحماتتى تەگىن ۇيرەتەدى. اعا بۋىن ءۇشىن تەگىن تسيگۋن ساباقتارى بار.
ەسىل اۋدانىندا بۇگىنگى تاڭدا 4 اۋلا كلۋبى, 20 ارداگەرلەر ورتالىعى جۇمىس ىستەۋدە. مۇندا تەك بالالارعا ەمەس, ەگدە جاستاعى ادامدار ءۇشىن دە قولايلى جاعداي قاراستىرىلعان. ماسەلەن, ۇلكەندەرگە ارنالعان اقىسىز تسيگونگ (قارتتاردىڭ دەنساۋلىعىن نىعايتۋعا ارنالعان سپورت ءتۇرى) ساباقتارى بار.
