«ىسكەر» بيزنەس ورتالىعىندا «جاريا» حالىقارالىق ورتالىعى» قوعامدىق قورىنىڭ ۇيىمداستىرۋىمەن دۇنيەجۇزىلىك تۋبەركۋلەزگە قارسى كۇرەس كۇنى جانە وعان ورايلاستىرىلعان تۋبەركۋلەزدىڭ الدىن الۋ ايلىعىنا ارنالعان دوڭگەلەك ۇستەل ءماجىلىسى ءوتتى.
24 اقپاننان باستاپ 23 ناۋرىزعا دەيىن ەلىمىزدىڭ بارلىق وڭىرىندە ءوتىپ جاتقان ايلىق بارىسىندا ەلوردا كاسىپورىندارىندا, قۇرىلىس ۇيىمدارى مەن بازارلارىندا حالىقتى كوشپەلى تەكسەرۋ جۇرگىزىلۋدە. سونداي-اق, تۋبەركۋلەزدى الدىن الۋ مەن ەرتە دياگنوستيكا جاساۋ بويىنشا ەلوردالىق مەديتسينالىق مەكەمەلەردىڭ قىزمەتكەرلەرىنە ارنايى سەمينارلار مەن ترەنينگتەر, فتيزياترلار مەن باسقا دا مامانداردىڭ قاتىسۋىمەن اشىق ەسىكتەر, دەنساۋلىق ساباقتارى, ءدارىگەرلەرمەن كەزدەسۋلەر ۇيىمداستىرىلىپ جاتىر.
حالىقتى تۋبەركۋلەزدىڭ العاشقى بەلگىلەرى تۋرالى حاباردار ەتۋ, استانا قالاسىندا قۇرت اۋرۋىن الدىن الۋ ايلىعىنىڭ شەڭبەرىندەگى ءىس-شارالاردىڭ بارىسىن تياناقتاۋ, اۋرۋدى ۋاقىتىلى ەمدەۋ تيىمدىلىگىن ءتۇسىندىرۋ, قالا تۇرعىندارىن, مەكەمەلەر مەن ۇيىمداردىڭ قىزمەتكەرلەرىن اۋرۋعا قارسى ءىس-شارالارعا تارتۋ, سونداي-اق, ميگرانتتار مەن ولاردىڭ وتباسى ءمۇشەلەرىنىڭ تۋبەركۋلەزدى دياگنوستيكالاۋعا جانە ونى ەمدەۋگە قولجەتىمدىلىگىن ارتتىرۋ ماقساتىندا ۇيىمداستىرىلعان دوڭگەلەك ۇستەل ماجىلىسىنە ءتۇرلى سالا وكىلدەرى قاتىسىپ, كەلەلى ءسوز ءوربىتتى.
امانعالي قالجانوۆ
