1 تامىزدان باستاپ استانا حالىقارالىق اۋەجايىنداعى اۆتوتۇراق ءتاريفى وزگەرەدى. ماسەلەن, ر1, ر2, ر3 ايماقتارىنداعى اۆتوتۇراقتىڭ قۇنى 100-دەن 200 تەڭگەگە دەيىن, ر4, ر5, ر6 ايماقتارىندا ساعاتىنا 50-دەن 100 تەڭگەگە دەيىن قىمباتتايدى.
ال ۇشاققا مىنەتىن جولاۋشىلاردى شىعارىپ سالۋعا كەلگەن اۆتوكولىكتەر العاشقى جانە ەكىنشى رەت كىرگەندە بارلىق پايدالانۋشى ءۇشىن 15 مينۋت ىشىندە تەگىن بولىپ قالادى. اۋەجايدىڭ اكىمشىلىگى تۇسىندىرگەندەي, اۆتوتۇراق تاريفتەرىنىڭ وزگەرۋى كوممۋنالدىق قىزمەتتەرگە تاريفتەردىڭ كوتەرىلۋىنە بايلانىستى. ىشكى رەيستەرگە ارنالعان T2 تەرمينالىنىڭ وڭ جاعىندا ورنالاسقان 274 ورىندىق جابىق اۆتوتۇراق قۇنى وزگەرىسسىز قالادى. سونداي-اق, اۋەجايدا اقىلى اۆتوتۇراقپەن سالىستىرعاندا كوبىرەك بوس ورىندارى بار جابىق اۆتوتۇراق اۋماعىنا ىرگەلەس تەگىن تۇراق بار. بىراق ول جەردە اۆتوكولىكتى ۇزاق ۋاقىت قالدىرۋعا بولمايدى.
