وسكەلەڭ ۇرپاقتىڭ الەۋمەتتiك جاعدايىن ارتتىرىپ, ەلiنە لايىقتى ازامات ەتiپ قالىپتاستىرۋ – مەملەكەتiمiزدiڭ جاستار ساياساتىنىڭ العا قويعان باستى باسىمدىعىنىڭ بiرi. وسى ماقساتتا ەلوردادا جاستار مەن جاسوسپىرىمدەردىڭ جان-جاقتى دامۋىنا جانە ۋاقىتىن ءتيىمدى وتكىزۋىنە سەپتىگىن تيگىزەتىن اۋلا كلۋبتارى قۇرىلدى. بۇگىندە مۇندا 3500 بالا تاربيەلەنىپ جاتىر.
قازىرگى ۋاقىتتا قالالىق جاستار ساياساتى ماسەلەلەرى باسقارماسىنا قاراستى «استانا جاستارى» جاستار رەسۋرستىق ورتالىعىنىڭ جەتەكشىلىگىمەن قالا اۋماعىندا 20 اۋلا كلۋبى جۇمىس ىستەيدى. اۋلا كلۋبتارىنىڭ نەگىزگى قىزمەتى جاسوسپىرىمدەردى بۇقارالىق سپورت, شىعارماشىلىق ۇيىرمەلەرگە تارتۋعا جانە ومىرلىك قاجەتتى داعدىلارعا ۇيرەتۋ ارقىلى حالىقتىڭ الەۋمەتتىك وسال توپتارىنان شىققان جاستاردىڭ ءومىر ءسۇرۋ ساپاسىن ارتتىرۋعا باعىتتالادى. ۇيىرمەلەر مەن اۋلا كلۋبتارىنىڭ سەكتسيالارىنا قاتىسۋ تەگىن نەگىزدە جۇرگىزىلەدى. ەلوردانىڭ 5 اۋدانى بويىنشا ولارعا 3500-گە جۋىق تاربيەلەنۋشى قاتىسادى. ونىڭ ىشىندە الماتى اۋدانىندا – 6 («قىران», «تەمىرلان», «جاس قانات», «Tahtay», «ميراس», «ارمانداستار-2»), بايقوڭىر اۋدانىندا – 5 («بايتەرەك», «استانا», «بەرەكە», «بەرەكە-سپورت», «شىمىر»), سارىارقا اۋدانىندا – 5 («جاس بارىس», «دينامو», «ProFit», «باتىر», «دۇكەنۇلى»), ەسىل اۋدانىندا – 2 («Interpro» جانە «اقجول») جانە نۇرا اۋدانىندا – 1 («ۇركەر»). جاسوسپىرىمدەر بارلىعى 130 ۇيىرمە مەن سەكتسياعا قاتىسا الادى. ولاردىڭ قاتارىندا بوكس, كاراتە, ءتۇرلى بي ۇيىرمەسى, سۋرەت سالۋ, قولونەر, توعىزقۇمالاق, باعدارلامالاۋ, تىلدەرگە وقىتۋ, ەركىن كۇرەس, مۋزىكالىق اسپاپتارعا ۇيرەتۋ, اسۇيگە باۋلۋ سىندى 76 سپورت سەكتسياسى جانە 54 شىعارماشىلىق ۇيىرمە بار. نۇرا اۋدانىنىڭ «ۇركەر» اۋلا كلۋبىندا زەينەتكەرلەرگە دە ارنايى ساعات بولىنەدى. ياعني بۇل ۋاقىتتا ولار نەمەرەلەرىمەن بىرگە كەلىپ, بوس ۋاقىتىن ءتيىمدى وتكىزە الادى.
«اۋلا كلۋبتارى» الەۋمەتتىك جوباسى ەلوردادا سوڭعى 8 جىل بويى تۇراقتى نەگىزدە جۇزەگە اسىپ كەلەدى. بۇل تۋرالى «استانا جاستارى» جرو اۋلا كلۋبتارىن دامىتۋ ءبولىمىنىڭ مامانى جانگۇل قامبار ايتىپ بەردى.
– اۋلا كلۋبتارىنىڭ قىزمەتى جاستار مەن جاسوسپىرىمدەر اراسىنداعى قىلمىستى ازايتۋعا, بالالاردىڭ دەنساۋلىعىن جاقسارتۋعا جانە ولاردىڭ ۋاقىتىن پايدالى وتكىزۋگە تىكەلەي اسەر ەتەدى, سونداي-اق ءپاتريوتيزمنىڭ دامۋىنا ىقپال ەتەدى. جىل سايىن وتەۋسىز نەگىزدە اۋلا كلۋبتارىندا حالىقتىڭ الەۋمەتتىك وسال توپتارىنان, الەۋمەتتىك از قامتىلعان وتباسىلاردان شىققان جۇزدەگەن بالا تاربيەلەنەدى. سونداي-اق قالالىق ىشكى ىستەر دەپارتامەنتىنىڭ يۋۆەنالدى پوليتسيا بولىمشەسىندە ەسەپتە تۇرعان كامەلەتكە تولماعاندار اۋلا كلۋبتارىنا بارادى. قازىرگى تاڭدا بالانىڭ قىزىعۋشىلىعىنا سەپتىگىن تيگىزىپ, يكەمىنە قاراي جاڭا قىرىنان تانىلۋىنا, ومىرلىك جولىن انىقتاۋدا اۋلا كلۋبتارىنىڭ ماڭىزى زور. بۇل جاستار مەن جاسوسپىرىمدەردىڭ بولاشاقتا جان-جاقتى, ءبىلىمدى, مادەنيەتتى, ەڭ باستىسى كورەگەندى ءارى تاربيەلى بوپ قالىپتاسۋىنا وڭ ىقپالىن تيگىزەدى. سەبەبى اۋلا كلۋبتارىنا قاتىسقان بالالاردىڭ باسىم بولىگى جان-جاقتى دامىپ قانا قويماي, رۋحاني دەم الادى جانە قوعامدىق شارالارعا ءوز ۇلەسىن قوسىپ كەلەدى, – دەدى مامان.
تاربيەلەنۋشىلەر وزىنە ۇنايتىن ۇيىرمەگە قاتىسىپ, ودان بولەك, وسى باعىتتا ءتۇرلى جارىستان باق سىناي الادى. ماسەلەن, ەلوردا اۋلا كلۋبتارىنىڭ قاتىسۋشىلارى – بۇگىندە بولگاريا, ارمەنيا, قىرعىزستان, وزبەكستان, رەسەي, يتاليادا جانە ەلىمىزدە وتكەن بىرقاتار جارىستىڭ جۇلدەگەرى. مۇنداي سايىستار كەيىن جاسوسپىرىمدەر ءۇشىن وقۋعا ءتۇسۋ بارىسىندا نە پورتفوليو جيناۋدا سەپتىگىن تيگىزەدى. بۇل باعىتتا جاس سپورتشىلاردىڭ قىزىعۋشىلىعىن ارتتىرىپ, سالاۋاتتى ءومىر سالتىن ناسيحاتتاۋدا «استانا جاستارى» جاستار رەسۋرستىق ورتالىعى ءوز تاراپىنان اۋلا كلۋبتارىنىڭ تاربيەلەنۋشىلەرى ءۇشىن كاسىبي سپورتشىلاردى شاقىرتىپ, شەبەرلىك ساعاتتارى مەن كەزدەسۋلەردى ۇيىمداستىرادى. وسىلايشا, قالا جاستارى ءۇشىن اۋلا كلۋبتارى كوپفۋنكتسيونالدى مادەني-سپورتتىق ورتالىق قىزمەتىن دە اتقارادى.
اۋلا كلۋبىندا تاربيەلەنىپ, شەتەلدەگى جارىستاردا كوزگە ءتۇسىپ جۇرگەن بالالاردىڭ قاتارىندا ءىزداش ايزەرە بار. «تەمىرلان» اۋلا كلۋبىنىڭ وقۋشىسى جاقىندا تۇركيانىڭ الانيا قالاسىندا 64 شارشىلى دويبىدان الەم چەمپيوناتىنا قاتىسىپ, 3-ورىن يەلەندى.
– بۇل جارىسقا الەمنىڭ 14 مەملەكەتىنىڭ 200-گە جۋىق سپورتشىسى قاتىستى. مەن ءوز اۋلا كلۋبىمنىڭ اتىنان وسى سايىستا جۇلدەلى ورىن العانىما قۋانىشتىمىن. «تەمىرلان» ورتالىعىنا تەگىن قاتىسىپ جۇرگەنىمە ءبىراز ۋاقىت بولدى. كلۋبتاعى جاتتىقتىرۋشىلار جارىستار مەن وليمپيادالارعا قاتىستىرۋ ارقىلى قابىلەمدى شىڭداي ءتۇستى. دويبىدان «سپورت شەبەرىنە كانديدات» دارەجەسىن الۋىما دا ىقپال ەتتى. مەنىڭ قاتارلاستارىم دا ءتۇرلى سەكتسيا بويىنشا جاقسى ناتيجە كورسەتۋدە. وسى تۇستا اۋلا كلۋبتارىنىڭ جاسوسپىرىمدەرگە بەرەر پايداسىن ايتقىم كەلەدى. ءبىز مۇندا جاڭا ورتا تاۋىپ, ءبىر-بىرىمىزبەن ارالاسىپ, ساباقتان كەيىن نە كانيكۋل ۋاقىتىندا بارۋعا اسىعامىز, – دەدى وقۋشى.
تەگىن ۇيىرمەگە نەمەسە سەكتسياعا جازىلۋ ءۇشىن بالانىڭ تۋ تۋرالى كۋالiگىنىڭ كوشىرمەسى, اتا-اناسىنىڭ جەكە باسىن كۋالاندىراتىن قۇجاتى, بالانىڭ دەنساۋلىق جاعدايىن راستايتىن مەديتسينا قۇجاتى جانە 3ح4 سۋرەت تاپسىرىلۋى قاجەت. اۋلا كلۋبتارى بويىنشا تولىق اقپاراتتى @ast_aula.clubs Instagram پاراقشاسىنان بىلۋگە بولادى.
«ءال-اۋقاتى تومەن وتباسى بالالارى ءۇشiن اۋلا كلۋبتارى – ۇلكەن كومەك. ولاردىڭ بوس ۋاقىتى تيiمدi ۇيىمداستىرىلىپ, قاتىسام دەۋشىلەر بىرنەشە ۇيىرمەگە قاتار جازىلا الادى. اۋلا كلۋبتارىنىڭ تاعى بiر ەرەكشەلiگi – بالالار تۇرعىلىقتى جەرiنەن الىسقا بارمايدى. ءوزi وسكەن جەرiندە قوعامنىڭ بiر بولشەگiندەي ءوزiنiڭ قاجەتتiگiن تۇسiنەدi. اۋلا كلۋبتارىنىڭ اشىلۋىنىڭ دا, كورسەتiلiپ جاتقان قامقورلىقتىڭ تۇپكi ءمانi دە وسىندا جاتىر» دەدى ج.قامبار.
جاسوسپىرىمدەردىڭ قىزىعۋشىلىعىنا, يكەمiنە قاراي جاڭا قىرى اشىلىپ, ومiرلiك جولىن انىقتاۋعا دا اۋلا كلۋبتارى سەپتiگiن تيگiزەدi. ءوز ورتاسىندا جۇرگەن بالانىڭ جاۋاپكەرشiلiگi دە ارتادى. ولاردىڭ تۇلعا رەتiندە قالىپتاسۋىنا, مەكتەپتەن بولەك, ءوز دوستارىنىڭ ىقپالى كۇشتi. بۇل ورتا – كوشەنiڭ قالتارىسىندا نە يەسiز قۋىستا ەمەس, اۋلا كلۋبتارىندا وركەن جايماعى قۇپتارلىق. مۇنداي ورتادا وسكەن بالانىڭ تاربيەسi مەن بولاشاعىنا سەنiمiمiز مول. ءجاسوسپiرiمنiڭ مادەني-رۋحاني قاجەتتiلiگiن وتەيتiن اۋلا كلۋبتارىنىڭ وسى تۇرعىدا دا ۇلەسi مول. ونىڭ جۇمىسىنا بارلىعى قامتىلادى, بارiنە دە قولجەتiمدi. جىل وتكەن سايىن باعدارى دا ايقىندالىپ, ءداستۇرi قالىپتاسپاق.
