ەلوردادا بەس كۇن بويى دۇرىلدەپ, تسيرك ونەرى الەمىندەگى ايتۋلى شارالاردىڭ بىرىنە اينالعان ءحى «ازيا جاڭعىرىعى» فەستيۆالى اياقتالدى. بۇل – ورتالىق ازياداعى وسىنداي جالعىز بايقاۋ. استانانىڭ 20 جىلدىعىنا ارنالعان شارادا ەلوردانىڭ تسيرك مانەجىندە 13 مەملەكەتتەن 60-تان استام ءارتىس ونەر كورسەتتى. قالا تۇرعىندارى مەن قوناقتارى قىرعىزستان, وزبەكستان, تۇرىكمەنستان, ۆەتنام, رەسەي, بەلارۋس, ۋكراينا, فرانتسيا, كانادا, نيكاراگۋا, ەفيوپيا جانە ۆەنگريا وكىلدەرىنىڭ ونەرىن تاماشالادى.
فەستيۆالدىڭ جەڭىمپازدارى مەن جۇلدەگەرلەرى تومەندەگىدەي بولدى: باس جۇلدە – «تسيرك ونەرىنىڭ دامۋىنا قوسقان ۇلەسى ءۇشىن» ماراپاتى استانا تسيركىنىڭ «بارىس» اتتى-اكروباتيكالىق ءانسامبلى (جەتەكشىسى شىڭعىس ورمانبەتوۆ).
«ورىنداۋ شەبەرلىگى مەن كاسىپقويلىعى ءۇشىن» اتالىمىنداعى ءبىرىنشى ورىن – «بوس سىم» ءنومىرى NGUYEN YHI THU HIEN (ۆەتنام);
«قارسى اتكەنشەك» ءنومىرى – جەتەكشىسى كيريلل ستولبوۆسكيح (قازاقستان, استانا); «سەمافور» ءنومىرى – ۇلىقبەك مەدەشوۆ, نۇرسۇلتان قاناەۆ, يبراگيم اليەۆ (قازاقستان, شىمكەنت).
استانا قالاسى اكىمىنىڭ ارنايى سىيلىعى – «زەبرا» ءنومىرى (جەتەكشىسى ۆياچەسلاۆ نوۆيچيحين رەسەي).
