استانادا كوركەم گيمناستيكادان ءاليا يۋسۋپوۆانىڭ جۇلدەسىنە ارنالعان جارىس ءوتىپ جاتىر, دەپ حابارلايدى astana-akshamy.kz
3 مارتە وتكىزىلىپ جاتقان باسەكەنىڭ باستى ەرەكشەلىگى مۇندا تەك باستاۋىش سىنىپ وقۋشىلارى سىنعا تۇسەدى.
بيىلعى دوداعا استانا, الماتى, شىمكەنت, پاۆلودار, سەمەي, ورال, اقتاۋ, پەتروپاۆل قالاسىنان 402 جاس كوركەم گيمناستشى قاتىسىپ جاتىر.
«وليمپياداعا قاتىسۋ ارمانىن ورىنداۋدىڭ العاشقى قادامى ءدال وسىنداي تۋرنيردەن باستالادى. سەبەبى 3-4 جاستان باستاپ, حالىقتىڭ الدىندا ونەر كورسەتىپ, تاجىريبە جيناۋ قاجەت. وسىنىڭ ارقاسىندا سپورتشىلار قاتەلىكپەن جۇمىس ىستەپ, ەموتسيالارىن باسقارۋدى ۇيرەنەدى. ەلىمىزدە تانىمال سپورتتىڭ بىرىنە اينالعان كوركەم گيمناستيكاعا دەگەن قىزىعۋشىلىق جىل سايىن ارتىپ كەلەدى. بىلتىر 350-گە جۋىق قاتىسۋشى جينالسا, بيىل 400-دەن اسىپ وتىر. الەمدە كوركەم گيمناستيكا فرانتسيا, گەرمانيا, يسپانيا, جاپونيا, وڭتۇستىك كورەيا سەكىلدى مەملەكەتتەردە قارقىندى دامىعانى سونشا, كىشى جارىستاردىڭ وزىنە حالىق كوپ جينالادى. ءبىز دە اقىرىنداپ وسى دەڭگەيگە ءوسىپ جاتىرمىز» – دەدى كوركەم گيمناستيكادان قر ەڭبەك سىڭىرگەن سپورتشىسى ءاليا يۋسۋپوۆا.
بايراقتى باسەكەدە 2015 جىلدان كەيىن تۋعان سپورتشىلار باق سىناپ جاتىر.
جارىستىڭ اشىلۋ سالتاناتىنا كوركەم گيمناستيكادان جاقىندا عانا تاشكەنتتە وتكەن ازيا چەمپيوناتىنىڭ جەڭىمپازى, پاريج وليمپياداسىنىڭ جولداما يەگەرى ەلجانا تانيەۆا دا ءوز ونەرىن پاش ەتتى.
«ازيا چەمپيوناتىنان كەيىن, استانا قالاسىنداعى قازاقستان بىرىنشىلىگىنە قاتىستىم. اراسى قىسقا عانا ۋاقىت بولعانىمەن, سپورتشى بارلىعىنا دايىن بولۋى ءتيىس. جارىستان كەيىن جاس سپورتشىلاردىڭ الدىندا ونەر كورسەتكەنىمە قۋانىشتىمىن. ولار دا ۇلكەن سپورتتا بيىك بەلەستەرگە جەتەدى دەپ سەنەمىن» – دەدى ەلجانا تانيەۆا.
جارىس بۇگىن اياقتالادى.
