استانادا وزگەنىڭ كولىگىن زاڭسىز ايداپ كەتكەن كۇدىكتى قولعا ءتۇستى, دەپ حابارلايدى astana-akshamy.kz
ول ايەل ادام بولىپ شىقتى.
بايقوڭىر اۋداندىق پوليتسيا باسقارماسىنا ءبىر قالا تۇرعىنى ارىزدانىپ, Seat Toleda اۆتوكولىگىنىڭ ۇرلانعانىن حابارلاعان. يەسىنىڭ ايتۋىنشا, ول ۇيىنە كەلىپ كولىگىن كورشى اۋلاعا قويعان. بىراق, كولىك كىلتىن قۇلىپتان الۋدى ۇمىتىپ كەتكەن ەكەن.
ەلوردالىق پوليتسەيلەر بىردەن ۇرلانعان كولىكتى ىزدەستىرۋگە جانە ۇرىنى ۇستاۋعا جۇمىلدىرىلدى. جەدەل-ىزدەستىرۋ شارالارى بارىسىندا پوليتسەيلەر ۇرلىققا قاتىسى بار دەگەن كۇدىكپەن 32 جاستاعى ايەل ادامدى انىقتادى.
كامەرالاردى قاراپ وتىرىپ, ءتارتىپ ساقشىلارى ۇرىنىڭ ىزىنە تۇسكەن. انىقتاي كەلگەندە كولىك كراۆتسوۆا كوشەسىندەگى ايالداما ماڭىنا قالدىرىلعان كۇيى تابىلعان.
اتالعان فاكتى بويىنشا قر قىلمىستىق كودەكسىنىڭ 200-بابى (اۆتوكولىكتى نەمەسە وزگە دە كولىك قۇرالىن زاڭسىز يەمدەنۋ (ايداپ اكەتۋ) ماقساتىنسىز يەمدەنۋ) بويىنشا قىلمىستىق ءىس قوزعالدى.
