باعا تومەندەدى
![](https://astana-akshamy.kz/wp-content/uploads/2021/11/6867c4fac8a6cc74651b99653f0f7734.jpeg)
ەلوردانىڭ ءىرى ساۋدا جەلىلەرى مونوپولياعا قارسى ورگاننىڭ ارەكەتى ارقاسىندا ازىق-تۇلىك باعاسىن تومەندەتتى. بۇل قر باسەكەلەستىكتى قورعاۋ سالاسىنداعى زاڭناماسىن – مونوپولياعا قارسى كومپلاەنستى بۇزۋدىڭ الدىن الۋدا قابىلدانعان شارالاردىڭ ارقاسىندا مۇمكىن بولدى.
اتاپ ايتقاندا, باس قالاداعى «Magnum Cash&Carry» جشس ساۋدا جەلىلەرى «سكيف ترەيد» جشس, «METRO Cash&Carry» جشس, «انۆار» جشس الەۋمەتتىك ماڭىزى بار ازىق-تۇلىك تاۋارلارىنا شەكتى ساۋدا ۇستەمەسىنىڭ مولشەرىن 15%-دان 10%-عا دەيىن ءوز ەركىمەن تومەندەتتى. بۇل تۋرالى قر باسەكەلەستىكتى قورعاۋ جانە دامىتۋ اگەنتتىگىنىڭ نۇر-سۇلتان قالاسى بويىنشا دەپارتامەنتى حابارلادى. «ساۋدا قىزمەتىن رەتتەۋ تۋرالى» قر زاڭىنىڭ 9-بابىنا سايكەس ىشكى ساۋدا سۋبەكتىسى الەۋمەتتىك ماڭىزى بار ازىق-تۇلىك تاۋارىن بەرۋ شارتىندا كورسەتىلگەندەي ساتىپ الۋ باعاسىنىڭ 15 پايىزىنان اسپايتىن شەكتى ساۋدا ۇستەمەسىنىڭ مولشەرىن بەلگىلەيدى. ەلوردانىڭ ينۆەستيتسيالار جانە كاسىپكەرلىكتى دامىتۋ باسقارماسى كاسىپكەرلەردى ازىق-تۇلىككە جوعارى ۇستەمەاقى بەلگىلەۋ فاكتىلەرىن ۋاكىلەتتى ورگاندارعا حابارلاۋعا شاقىردى.