«بايتەرەك» ماڭىن دۋمانعا بولەيدى
استانا كۇنىنىڭ ون جىلدىق مەرەكەسىندە باستاۋ العان V حالىقارالىق «شاتتىق» جاس تالانتتار فەستيۆالى كەزەكتى رەت شىمىلدىعىن تۇرەدى.
ءان دوداسىندا قازاقستان, رەسەي, قىرعىز رەسپۋبليكاسى, وزبەكستان, تاجىكستان, گرۋزيا, ازەربايجان, بەلارۋس, ساحا, تاتارستان, ينگۋشەتيا, ليتۆا, لاتۆيا, بولگاريا, قىتاي, تۇركيا جانە يزرايل ەلدەرىنىڭ 700-گە جۋىق بالالارى باس قوسادى.
«شاتتىق» جاس تالانتتار فەستيۆالىندە بالالار ۆوكال, حورەوگرافيا, ۇلتتىق ورىنداۋشىلىق, بالالار ءسان تەاترى, ەرەكشە جانر اتالىمدارى بويىنشا ونەر كورسەتەدى. بۇل مەرەكەلىك شارانىڭ ماقساتى – تالانتتى ورىنداۋشىلار مەن ۇجىمداردى ىزدەۋ, رۋحاني ءارى كوركەم تالعام قالىپتاستىرۋ, بالالار ۇجىمدارى رەپەرتۋارىن جاڭارتىپ, حالىقارالىق بايلانىستى كەڭەيتۋ.
فەستيۆال ۇيىمداستىرۋشىسى – استانا قالاسى اكىمدىگى وسى كۇننىڭ ەلوردا تۇرعىندارى مەن قوناقتارىنىڭ ەسىندە قالۋى ءۇشىن بارىن سالماق. ونىڭ ۇستىنە, استانا – ەۋرازيانىڭ مادەني ورتالىعى دەگەن جوعارى مارتەبەگە يە.
4-6 شىلدە كۇندەرى بالالار «ءبايتەرەك» مونۋمەنتى الدىنداعى الاڭدا ونەر كورسەتەدى. قاتىسۋشىلارعا كسرو حالىق ءارتىسى بيبىگۇل تولەگەنوۆانىڭ باسشىلىعىمەن حالىقارالىق قازىلار القاسى باعا بەرىپ, سىيلىقتار تابىس-تايدى.