بالالار قۋانىشقا بولەندى
استاناداعى «Kz» قوعامدىق قورى مەن «دەلفيناري» ورتالىعى بىرلەسىپ, الەۋمەتتىك جاعىنان از قامتىلعان وتباسىلاردان شىققان بالالارعا قايىرىمدىلىق شاراسىن وتكىزدى.
ونىڭ ماقساتى – كوپ بالالى وتباسىلار مەن مۇمكىندىگى شەكتەۋلى جەتكىنشەكتەرگە قوعام نازارىن اۋدارىپ, مۇمكىندىگىنشە قولداۋ كورسەتۋ.
يگىلىكتى شاراعا باس قالادا تۇراتىن 300-دەن اسا بالالار جينالدى. ولار ادامنىڭ ىزگى دوسى سانالعان سۋ جانۋارلارىن ءوز كوزىمەن كورىپ, ءبىر ساعاتتان استام ءتۇرلى قىزىققا تولى شوۋ تاماشالاپ, ءماز-مەيرام قۋانىشقا بولەندى.
ء–بىزدىڭ قوعامدىق قور ۇنەمى الەۋمەتتىك جاعىنان مۇقتاج وتباسىلارعا قامقورلىق كورسەتىپ كەلەدى. بۇگىنگى شارا – سونىڭ ءبىر جالعاسى. «دەلفيناري» ورتالىعى ءبىزدىڭ ايتقان ۇسىنىسىمىزدى جەرگە تاستاماي, 3 پەن 14 جاس ارالىعىنداعى ءۇش ءجۇز بالاعا تاماشا كەش ۇيىمداستىردى. بۇعان مۇمكىندىگى شەكتەۋلى جاسوسپىرىمدەر دە كەلدى. ەندى ورتالىق باسشىلىعى وسى بالالاردى ايىنا ءبىر رەت تەگىن كىرگىزۋگە مۇمكىندىك جاساپ وتىر. ولارعا ايتار العىسىمىز شەكسىز, – دەيدى «Kz» قوعامدىق قورىنىڭ وكىلى مەرۋەرت سارسەتوۆا.
ازامات ەسەنجول