قازاقستان حالقىنىڭ بىرلىگى كۇنى ەلوردالىق «جاستار» سارايىندا ء«بىزدىڭ سارايدىڭ بالالارى» بالالار شىعارماشىلىق ۇجىمدارىنىڭ ەسەپتىك كونتسەرتى ءوتتى, دەپ حابارلايدى astana-akshamy.kz
بيىل «جاستار» سارايى 50 جىلدىق مەرەيتويىن اتاپ وتۋدە. ەسەپتى كونتسەرت باعدارلاماسىنا «روۆەسنيك» ەسترادالىق بي حالىق ءانسامبلى, «ۆرەميا» بي تەاترى, «مەرۋەرت» قازىرگى زامانعى بي حالىق ءانسامبلى, حالىق اسپاپتار ۇيىرمەسى, «Sharm models» مودەلدەر مەكتەبى جانە باسقا دا كوپتەگەن شىعارماشىلىق ۇجىمدار قاتىسادى.
ءبىرىنشى قاباتتىڭ فويەسىندە سارايدىڭ بەينەلەۋ ونەرى شەبەرحاناسى – ستۋدياسىنىڭ جاس سۋرەتشىلەرىنىڭ سۋرەتتەرىنىڭ كورمەسى ۇيىمداستىرىلدى. سونداي-اق, مۇندا ارمرەستلينگ سەكتسياسىنىڭ تاربيەلەنۋشىلەرى ءوز كۇشتەرى مەن داعدىلارىن كورسەتكەن سپورت ايماعى ورنالاسقان.
«جاستار» سارايىنىڭ اتىنان بارشاڭىزدى قازاقستان حالقىنىڭ بىرلىگى كۇنىمەن قۇتتىقتاعىمىز كەلەدى. ونەر سۇيەر قاۋىمعا ء«بىزدىڭ سارايدىڭ بالالارى» اتتى بالالار شىعارماشىلىق ۇجىمدارىنىڭ ەسەپ بەرۋ كونتسەرتىن ۇسىنامىز. بۇگىندە ساحنادا ونعا جۋىق شىعارماشىلىق ۇجىم ونەر كورسەتەدى. كورەرمەندى قۋانتۋ ءۇشىن ءبىز ۆوكالدىق جانە بي نومىرلەرىن, تەاترلىق ەسكيزدەردى, ءسان كورسەتىلىمىن, سپورتشىلار مەن سكاۋتتاردىڭ ونەرىن, سونداي-اق بالالار سۋرەتتەرىنىڭ كوركەمونەر كورمەسىن دايىندادىق», – دەدى «جاستار» سارايىنىڭ PR مەنەدجەرى جانەركە باراتقىزى.
ەكىنشى قاباتتا جاس سانگەرلەر جاڭا كيىم توپتاماسىن ۇسىندى.
«بۇگىنگى مەرەكە – ءبىزدىڭ تاتۋ-ءتاتتى ەلىمىزدىڭ تالانتتى, شىعارماشىل ادامداردى بىرىكتىرەتىنىنىڭ ايقىن كورنىسى. ال كونتسەرت پەن كورمە وسىنىڭ دالەلى. شىنىندا دا, بۇل جەردە ءوزىنىڭ تالانتىن كورسەتەتىن تالانتتى جاستار جينالدى. ۇيىمداستىرۋشىلارعا وسى ءىس – شارا ءۇشىن كوپ راقمەت», – دەدى استانالىق روزا يسمانقۇلوۆا.
