«كەرۋەن» ساۋدا-ويىن-ساۋىق ورتالىعىندا ورنالاسقان كينوتەاتردا نۇر-سۇلتان اكىمدىگىنىڭ, «كينوپارك» كينوتەاترلار جەلىسىنىڭ, «SF food» تاماقتانۋ كومپانياسىنىڭ, قالانىڭ جاستار ساياساتى ماسەلەلەرى جونىندەگى باسقارماسىنىڭ جانە «جاس سارباز» بالالار-جاسوسپىرىمدەر اسكەري-پاتريوتتىق قوزعالىسى» رقب استانالىق فيليالىنىڭ قولداۋىمەن بالالار ءۇيىنىڭ تاربيەلەنۋشىلەرىنە ارناپ تەگىن مۋلتفيلم كورسەتىلدى. بالالارعا «SF food» تاعام كومپانياسىنان ءتاتتى تاعامدار ۇسىنىلدى.
ءىس-شاراعا قورعانىس مينيسترلىگىنىڭ وكىلدەرى, جاستار ساياساتى ماسەلەلەرى باسقارماسىنىڭ باسشىسى قايرات قامباروۆ, «جاس سارباز» جاستار اسكەري-پاتريوتتىق قوزعالىسىنىڭ قالالىق فيليالىنىڭ توراعاسى اسحات نالشىبەك قاتىستى. «پرەزيدەنت قاسىم-جومارت توقاەۆ 2022 جىلدى «بالالار جىلى» دەپ جاريالادى. وسىعان بايلانىستى بالالار ءۇيىنىڭ 120 تاربيەلەنۋشىسى ءۇشىن «كەرۋەن» ساۋدا-ويىن-ساۋىق ورتالىعىندا ءىس-شارا ۇيىمداستىرىلدى» دەدى اسحات نالشىبەك. «كينوعا باراتىنىمىزدى ايتقان كەزدە قاتتى قۋاندىم جانە ونى دوستارىما جەتكىزدىم. وتە قىزىقتى مۋلتفيلم بولدى» دەپ العان اسەرىمەن ءبولىستى بالالار ءۇيىنىڭ تاربيەلەنۋشىسى اناتولي پولەنيك.
