جاڭا جىل قارساڭىندا كوپبالالى جانە الەۋمەتتىك جاعدايى تومەن وتباسىلارداعى 20 بالاعا «جاس سارباز» جاسوسپىرىمدەر اسكەري-پاتريوتتىق قوزعالىسى رەسپۋبليكالىق قوعامدىق بىرلەستىگىنىڭ نۇر-سۇلتان قالالىق فيليالى جاڭا جىلدىق سىيلىقتار مەن ويىنشىقتار تابىستادى.
شارا ۇلتتىق اسكەري-پاتريوتتىق ورتالىقتىڭ قولداۋىمەن «30 يگى ءىس» جانە «جۇرەكتەن جۇرەككە» اكتسياسى اياسىندا وتكىزىلدى. يگى ىسكە «جاس سارباز» جاسوسپىرىمدەر اسكەري-پاتريوتتىق قوزعالىسى رەسپۋبليكالىق قوعامدىق بىرلەستىگىنىڭ توراعاسى مەيىربەك مەڭدىعاليەۆ, نۇر-سۇلتان قالالىق فيليالىنىڭ توراعاسى اسحات نالشىبەك جانە «جاس سارباز» قوزعالىسىنىڭ تاربيەلەنۋشىلەرى قاتىستى. «تاۋەلسىزدىگىمىزدىڭ 30 جىلدىعىنا وراي «30 يگى ءىس» اكتسياسىنا ءبىز دە اتسالىسىپ ءجۇرمىز. وسىعان دەيىن اۋعان سوعىسىنىڭ ارداگەرلەرىن مەرەكەمەن قۇتتىقتاپ, ايازدى كۇنى ايانباي ەڭبەك ەتىپ جۇرگەن «استانا تازالىق» جشس قىزمەتكەرلەرىنە ىستىق شاي مەن باۋىرساق بەرىپ قولىمىزدان كەلگەنشە كومەكتەستىك. ىندەت كەزىندە العى شەپتە جۇرگەن دارىگەرلەر مەن اسكەري قىزمەتكەرلەردىڭ وتباسىلارىنا 30 ازىق-تۇلىك سەبەتىن تاراتتىق. بۇگىن ەرەكشە قاجەتتىلىگى بار بالالار مەن 7 بالاسىن جالعىز اسىراپ وتىرعان انانىڭ وتباسىنا كىرىپ, مەرەكەلىك سىيلىعىمىزدى تابىستاماقپىز. بۇل يگى ءىس مىندەتتى تۇردە ءوز جالعاسىن تاباتىنىنا سەنەمىن» دەدى اسحات نالشىبەك.
سونداي-اق جاس ساربازدار كوپبالالى وتباسىلارداعى وقۋشىلاردىڭ قاشىقتان وقۋعا بايلانىستى تۋىنداعان باسقا دا ماسەلەلەرىن شەشۋدى الداعى ۋاقىتتا قولعا الامىز دەپ وتىر.
كوكتەم قارقىن
